गलाती 5:2 - थुलुङ राई

² गो पावल आ त्‍वाकाङा गानीलाई र्‍वाक्‍तोङा बेउ, आथावो गानी कोक्‍ते खिरिरि क्रिपा डु़म्‍लाथो़ लनी माला ने येशू ख्रीष्‍टका बेम्‍डिम खारी हाम ना हामकाम दु़म। मेरामलाम गानी हाम वो मेल्‍वानी।

गलाती 5:2 Referans Kwoze

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

हिब्रू 4:2

गुइलाई होम्‍साकाङा मेर्मिमलाई वो जो़पा-सेला थो़बेट्‌मा बाइडा। लावो मेर्मिमलाई थो़बेट्‌मा जो़पा-सेला ने हाम ना हामकाम दु़स्‍ता, हेङालोने मेर्मिमका थो़म्डिम ल्‍वाडा थो़र मेलु़मिवा।

गलाती 5:11

वा-ल्‍वाकनी, कोक्‍ते खिरिरि क्रिप्‍सी बोमुङा बासी र्‍वाक्‍साका आथावो गो मु़चु़मिमलाई थो़बेट्‌पुमी माला हेङा आरेसाका आमा थो़मतेर्ला सो़सिङुवा मा? गो आरे बेउवाम माला येशू ख्रीष्‍ट क्रूसडा चेसिम्डी र्‍वाक्‍साका थो़बेट्‍मा ल्‍वाकु कोर्थो़लाम बक्‍पा ने सु़ वो मेदु़म्‍मिवा।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

१ थेसलोनिकी 2:18

गुकु इनीमाडा रोमु छो़म माल्‍तोको, मा गो पावल ने हापा खेपङा रोमु माल्‍तो, लावो शैतानका भोप्‍तिकी।

फिलेमोन 1:9

गुची रिखाम बेबोचिमिमका गो याक्‍के दु़म्‍साका गानालाई छो़म र्‍वाङु, गो ङावा पावल ख्रीष्‍ट येशूकाम लागि ओम्‍लो चतासिक्‍पा,

१ कोरिन्थी 16:21

गो पावल, आ त्‍वाकु ल्‍वाकाङा ओराम सेव र्‍याक्‍तोङा लेट्‌पु।

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

फिलेमोन 1:19

गो पावल आमा ल्‍वाकाङा ओराम र्‍याक्‍तोङा लेट्‌पु। मे ओनेसिमसकु जेर गो ङा सोन्‍सानी। इमा त्‍वारो़मकाम लागि गाना आमा जेर हुन्‍नाम बु र्‍वाक्‍साका ने गो गानालाई र्‍वामु आमा न मिबु।