गलाती 5:17 - थुलुङ राई

¹⁷ हेङालोने न-गोडाम मेजो़पा नकु को-कोक्‍सी ने माम्‍चु़नी-पेलकु कोर्थो़लाम दु़म। मेम्‍मा माम्‍चु़नी-पेलका र्‍वामु माल्‍लु़म ने मेजो़पा नकु को-कोक्‍सीकु कोर्थो़लाम दु़म। ओर्चिप ल्‍वा कोले कोङमीकु कोर्थो़लाम दु़म्‍चिमका गानी बोमु माल्‍निमिम ल्‍वा दु़म्‍मु मेचाप्‍सु़।

गलाती 5:17 Referans Kwoze

रोमी 8:13

हेङालोने इनीमा नसीहोमका दोनी माला गानी सिनी। लावो माम्‍चु़नी-पेलकु यु़मका इनीमा मिरो़मडाम बादु़खाम पार्नी माला गानी त्‍वारो़म ल्‍वानी,

यूहन्‍ना 3:6

मु़चु़लामका मु़चु़ङा ग, लावो पेललामका त्‍वारो़म रो।

मत्ती 26:41

चङचङया बानी, मा मेजो़पा ल्‍वाका इनीमा न मेछाम्‍सिनु़ र्‍वाक्‍साका सो़म्‍दी बेनी। आच्‍छाङा इनीमा न-गोका ने बोमु मालु़, लावो मिरो़मङा मेचापा बु।”

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

मत्ती 16:23

पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”

लूका 22:46

गुमीका मेर्मिमलाई हिलाबेम्‍डी, “गानी हेङा अम्‍ल्‍यानिमिम? बक्‍नी, मा गानीडला मेजो़पा ल्‍वाका इनी न मेछाम्‍सिनु़ र्‍वाक्‍साका सो़म्‍दी बेनी।”

मत्ती 12:30

“उहेम गोलाम मेबासी मेराम आमा कोर्थो़लाम ब। उहेमका गोलाई खोम्‍मु मेख्‍लो़ङी, मेरामका फोडु़।

गलाती 3:21

मेम माला हाम डु़म्‍ला ने माम्‍चु़नीका याचे जेम्‍डिम ल्‍वाकु कोर्थो़लाम मा? मेएँ, डु़म्‍लाका मु़चु़मिमलाई त्‍वारो़म ग्‍वामु चाप्‍सु़वाम माला ने गुइ डु़म्‍ला होम्‍साका दोसाकाङा माम्‍चु़नीकु ङादोडा जो़पा न-गोकाम दु़म्‍सिवा।

लूका 22:33

मेकोतिमा पत्रुसका र्‍वाक्‍ता, “ङाचो़, गो गानीनुङङा झ्‍यालखान लमु मा गानीनुङङा सिमु लोवो चापु।”

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

मत्ती 5:6

माम्‍चु़नीकु जो़पा खारीकाम लागि क्रु़म-कोरा सिपामिम जिनुङमा सो़, हेङालोने माम्‍चु़नीका मेर्मिमकु गो तिम्‍सिबेट्‌मी।