गलाती 5:16 - थुलुङ राई

¹⁶ मेम्‍मिमका गो र्‍वाङु, माम्‍चु़नी-पेलका र्‍वामिम होम्‍साका दोनी, मेम माला इनीमा नकु को-कोक्‍सी होम्‍साका मेजो़पा मेबोनी।

गलाती 5:16 Referans Kwoze

गलाती 6:8

उहेम मु़चु़का छु़ल बेपा उमा त्‍वाकु बादु़खाम होम्‍साका मेजो़पा खारी बु़, गु मेराम बादु़खामका ङा पुयु़ ल। लावो उहेमका माम्‍चु़नी-पेललाममिम जो़पा खारी बु़, गुका माम्‍चु़नी-पेललाम ङा हेल्‍लो वो मेसिपा त्‍वारो़म ल्‍वासु़।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

१ पत्रुस 4:6

मेम्‍मिमका हेल्‍लो वो मेसिपा त्‍वारो़म मेल्‍वापामिमलाई जो़पा-सेला थो़बेट्‌मिडी, मा खोत्‍ले मु़चु़ होङङा मेर्मिम सिमुङा बासावा लोवो आथा ने मेर्मिम पेलडा माम्‍चु़नीनुङ हेल्‍लो लोवो नु़मिम बुमिनु़।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

गलाती 3:17

गो र्‍वामु माल्‍तोम ल्‍वा ओरामङा सो़, ङादोङा माम्‍चु़नीका सो़रख्रेप्‍मिडिम ल्‍वा ब्‍लसङ सु धु़म थ चङडा रोक्‍पा डु़म्‍लाका क्रिम्‍मु मेचाप्‍सु़। मेएँ माला ने माम्‍चु़नीका याचे जेम्‍डिम हाम ना हामकाम दु़म्‍सावा।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

१ कोरिन्थी 7:29

वा-ल्‍वाकनी, गो गानीलाई र्‍वामु मालुमिम ल्‍वा ओरामङा सो़, ङाचो़ दालाङा योमी। आथाडा आनो नाइमे बाट्‌पामिमका नाइमे मेबाट्‍पा होप्‍मामङा दु़म्‍साका बुमिनु़।