गलाती 5:14 - थुलुङ राई

¹⁴ मोशाकु खोत्‍ले डु़म्‍लाका र्‍वाक्‍ताम ल्‍वा कोले ल्‍वाडा रोक्‍थिड्‌डाम बु, “इनी त्‍वापलाई होङङा इनीमा साउखोरेलाई रिखाम बेनी”

गलाती 5:14 Referans Kwoze

मत्ती 7:12

वाङमिमका गानीलाई हेप्‍माम बोमिमिम द्‌वानी, गानी वो मेर्मिमनुङ मेमङा बेनी। मोशाकु डु़म्‍ला नुङ माम्‍चु़नीलाम-जेपामिमकु खोत्‍ले सीसि ओरामङा सो़।

गलाती 6:2

कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।

यूहन्‍ना 13:34

“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

मर्कूस 12:31

मेरामकु ध्‍वायु़म ओराम ङा सो़, ‘गाना इमा साउखोरेलाई इमा त्‍वापलाई होङङा रिखाम बे।’ ओर्चिपडाम डोक्‍पु डु़म्‍ला वाङमी उहेम वो मिबु।”

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

मर्कूस 12:33

गुमीलाई खोत्‍ले न-गोका, खोत्‍ले नका, खोत्‍ले यु़मका द्‌वामु, मा त्‍वाकु साउखोरेलाई त्‍वापलाई होङङा रिखाम बोमु खोत्‍ले सासेसी नुङ मुगोडा चासाका ग्‍वाक्‍मा ग्‍वा-ग्‍वाडाम वो डोक्‍पु दु़म।”

गलाती 1:6

गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।