गलाती 4:9 - थुलुङ राई

⁹ लावो आथा ने गानी माम्‍चु़नीलाई छेट्‌निम बु, आरेसाका वो र्‍वाकी, माम्‍चु़नीलाम गानी छेला सो़सिट्‌निम बु। लावो हेसाका गानी हाम ना हामकाम यु़म मेबाट्‌पा ल्‍वाकु सीसिथो़ आथावो ख्‍लोन्‍सीनी मा मेरामकु डु़ल्‍चो़ दु़म्‍मु न बोनी?

गलाती 4:9 Referans Kwoze

१ कोरिन्थी 8:3

लावो कोङनिमका माम्‍चु़नीलाई रिखाम बु़ माला मेरामलाई माम्‍चु़नीका छेमी।

गलाती 3:3

गानी हेङा नेप्‍ची मान्‍थिम दु़म्‍निमिम? माम्‍चु़नी पेललामका चो़म्‍सिड्‍डाम त्‍वारो़मडा गानी इनीमा त्‍वाकु न होम्‍साका जो़पा न-गोकाम दु़म्‍मु माल्‍निमिम?

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

हिब्रू 7:18

ङादोम डु़म्‍ला पार्सिड्‌डाम बु, हेङालोने ओरामका मु़चु़मिमलाई माम्‍चु़नीकाडा रेन्‍मु मेचाप्‍सु़वा मा हाम ना हामकाम दु़स्‍ता।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

एफिसी 1:17

इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

१ कोरिन्थी 13:12

ओम्‍लो गुइ ऐनाडा ब्‍लाम-ब्‍लामया ल्‍वासिमिम होप्‍माम ल्‍वासी, लावो मेम्‍लो गुइ छ्‌याङलो-छ्‌याङलो ल्‍वासी। लावो ओम्‍लो गो कि-कि कोङङा थेसिथेट्‌पु, माम्‍चु़नीका गोलाई छेङिमिमिम होम्‍साका मेम्‍लो गो जो़होमका थेसिथेट्‌पु।

रोमी 8:29

उहेम-उहेमलाई माम्‍चु़नीका छेट्‌मिडिम बु, मेर्मिमलाई गुमीका उनीमा तारापाचो़ ख्रीष्‍ट येशू होप्‍माम दु़म्‍बेन्‍मु लागि हापा वा-ल्‍वाकमिमगोडाम खोत्‍लेडाम ङादोम तारापाचो़ ने येशू ख्रीष्‍टङा दु़म्‍मिनु़ र्‍वाक्‍साका गुमीलाई थुट्‌मिडी।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 10:27

“आमा भेन्‍दामिमका आमा लो़लाम थो़मी, मेर्मिमलाई गो छेपुमी। मेम्‍मा मेर्मिम आमा चङचङ लाम्‍दिमी।

यूहन्‍ना 10:14

“गो जो़पा रेपा-क्रिपा। भेन्‍दामिमलाई गो छेपुमी, मा आमा भेन्‍दामिमका गोलाई छेङिमी।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

२ कोरिन्‍थी 11:20

कोङनिम मु़चु़का गानीलाई डु़ल्‍चो़ होङङा बोनी लोवो, इनी खउलुङ पोन्‍सानी लोवो, पेरडा फिनिमी लोवो, गानीलाई डनिमी लोवो, इनी कलडा फोनिमी लोवो गानी इम्‍नी रेछा।

गलाती 4:3

आरेसाकाङा गुइ वो चो़च्‍चो़ बाइडिम थारीका मु़चु़मिमलाई त्‍वाकु ल्‍वाडा जु़ल्‍पा सु़म्‍दिसेरडा सीसिमिमकु डु़ल्‍चो़ दु़स्‍तिम बाइडा।

लूका 5:38

मेम्‍मिमका मालो प्‍लोक्‍मा अङ्‍गूरकु बिलाम जो़पा कोक्‍तेकु फाजीडा जु़ल्‍मु बासी।