गलाती 4:8 - थुलुङ राई

⁸ गानी माम्‍चु़नीलाई छेमु ङादो हाम ना हामकु नो़पमिमकु डु़ल्‍चो़ बान्‍नी, उहेम आच्‍छाङाकाम मेबायावा।

गलाती 4:8 Referans Kwoze

१ कोरिन्थी 8:4

मेम्‍मिमका ङाटालाई ग्‍वाक्‍मा पोमु-डुमुकु दुथाम र्‍वाकी माला सु़म्‍दिसेरडाम ङाटा हाम वो मेएँ, मा कोले माम्‍चु़नीडाम वाङमिम सु़ वो मेबुमी र्‍वाक्‍पा ल्वा गुइ चडिम बु।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

१ थेसलोनिकी 4:5

माम्‍चु़नीलाई मेछेपा थो़रमेलु़पामिम होङङा मेसेमनुङ छो़म अम-अम द्‌वाक्‍पा ननुङमा मेदु़म्‍नी।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

एफिसी 4:18

मेर्मिमकु न-गो तुकुम्‍चिमका हुप्‍डु़म बु मा माम्‍चु़नीका ग्‍वाम्‍डिम त्‍वारो़मलामका मेर्मिम होनोवा बुमी, हेङालोने मेर्मिमका उनीमा न-गो लुङ होप्‍माम बनेबोमिमा माम्‍चु़नीका ग्‍वाम्‍डिम ल्‍वा थेसिमेथेन्‍मी।

१ कोरिन्थी 12:2

गानी चनिमङा बु, गानी येशूडा थो़रमेलु़थेङा बान्‍निलो जेमु मेचापा ङाटामिमथो़ लनिमा थामबाल्निम बाइडा।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

थु़र्मा 17:23

ओराम शहरडा खिर्सिङडोलो इनीमा नो़पखोममिम वो रेप्‍तो। कोङ सासेन्‍खोप खोमडा ‘उ नङ मेचमा नो़पकाम लागि’ र्‍वाक्‍साका र्‍याक्‍मा बाइडा। गानी मेछेसाका ङा सेव साट्‌निम मेराम नो़पकु दुथाम ओम्‍लो गो सो़त्तोङा बेउ।

थु़र्मा 14:12

मेर्मिमका बारनाबासलाई जिउस नो़प र्‍वाम्‍डी, मा पावललाई ने हर्मेस नो़प र्‍वाम्‍डी। हेङालोने पावल ङा जेपामिमडाम डोक्‍पु मु़चु़ बाइडा।

यूहन्‍ना 1:10

गुमी सु़म्‍दिसेरडा बाम्‍डी, मा माम्‍चु़नीका गुमीलामकाङा सु़म्‍दिसेर प्रङ्‌मिडी, लावो सु़म्‍दिसेरका गुमीलाई मेछेडु़वा।

रोमी 1:23

मेर्मिमका हेल्‍लो लोवो बाट्‍पाम बाट्‍पा माम्‍चु़नीकु नङ कोमु बासिक्‍पाडा सिपामा लक्‍पा मु़चु़, सो़ब्‍दीपो नेब्‍दीपो, सिकेवा माङकेवा, सुसिसाका लाम्‍दिपा डोक्‍पु याक्‍के फुचु़-रोक्‍चु़मिमकु ङाटा सेव साट्‌मिडी।

गलाती 4:3

आरेसाकाङा गुइ वो चो़च्‍चो़ बाइडिम थारीका मु़चु़मिमलाई त्‍वाकु ल्‍वाडा जु़ल्‍पा सु़म्‍दिसेरडा सीसिमिमकु डु़ल्‍चो़ दु़स्‍तिम बाइडा।