गलाती 4:4 - थुलुङ राई

⁴ लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

गलाती 4:4 Referans Kwoze

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

मर्कूस 1:15

गुमीका र्‍वाम्‍डी, “थारी रोम्‍फामु दु़म्‍स्‍तु़म बु, मा माम्‍चु़नीकु किब्‍दी वो फार्डा ङा रोक्‍फाड्‌डाम बु। मेम्‍मिमका इनी न ख्‍लोनी, मा जो़पा-सेलाडा थो़र लु़नी।”

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

मत्ती 1:23

“रेप्‍नी, कन्‍या मेसेम गोजु़मे दु़म, मा मेरामका कोले तारापाचो़ कक्‍सु़, गुमीलाई इम्‍मानुएल र्‍वामी, मेराम र्‍वामा ‘माम्‍चु़नी गुइनुङ बुमी’।”

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

लूका 2:7

मा गुका उ तोङदी वोस्‍चो़ कस्‍तु़, मा गुमीलाई येका दिल्‍लु़मा बोक्‍सागोयु़ आम्‍डु़, हेङालोने मेर्चिपका पाटीबाडे बान्‍ते वो बुमु मेल्‍वाचिवा।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

यूहन्‍ना 6:38

गो आमा न होङङा बेप्‍डा मेएँ, माम्‍चु़नीका न बोमिमिम होम्‍साका खारी बेप्‍डा पाह्रीलामका योङडोम।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

यूहन्‍ना 10:36

‘गो माम्‍चु़नीकु तारापाचो़’ र्‍वाङ्‌डोमका माम्‍चु़नीलाई डक्‍साका जेन्‍ना र्‍वाक्‍साका हेङा गानी र्‍वानी? गोलाई माम्‍चु़नीका थुट्‌ङिडिमिमा सु़म्‍दिसेरडा थु़र्ङिडिमी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

रोमी 15:8

गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

थु़र्मा 1:7

गुमीका मेर्मिर्मनुङ र्‍वाम्‍डी, “माम्‍चु़नीका उनी त्‍वाकु साखामलामका र्‍वाम्‍डिम थारीकु दुथाम गानी थेन्‍मुम बुमु मेबासी।

लूका 1:31

रेप्‍डा, गाना गोजु़मे दु़म्‍ना, मा कोले तारापाचो़ कना, मा उनीमा नङ येशू बाबेडा।

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

१ यूहन्‍ना 4:2

आरेसाका माम्‍चु़नी-पेललाई गानी छेमु चाम्‍नी: मु़चु़ होङङा येशू ख्रीष्‍ट ओराम सु़म्‍दिसेरडा योम्‍डी र्‍वाक्‍साका उहेम मु़चु़का र्‍वा मेराम मु़चु़काडा बाट्‌पा माम्‍चु़नी-पेल सो़।

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

कलस्‍सी 2:14

गुइ छु़ल बिडिमका देन्‍दे ल्‍वामु बासी र्‍वाक्‍साका इकीमा कोर्थो़लाम र्‍याक्‍मा ल्‍वा ख्रीष्‍टकु क्रूसडा काँटीका चेसाका पार्साड्‌डामी।

रोमी 9:5

मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

मत्ती 5:17

“मोशाकु डु़म्‍ला लोवो माम्‍चु़नीलाम-जेपामिमका र्‍वाम्‍डिम सिजेमलाई लोवो हाम ना हामकाम दु़म्‍बेड्‌डा गो योङडोम र्‍वाक्‍साका गानी मेमिम्‍सिट्‌नी, लावो गो ने ओर्मिम ल्‍वा खोत्ले रेन्‍थिमु लागि योङडोम सो़।

रोमी 5:6

सेल्‍सिमुकाम लागि गुइ इकी त्वाकाङा हाम वो बोमु मेचाप्‍सी। मेम्‍मिमका येशू ख्रीष्‍ट उनी त्‍वापङा गुइ छु़लचो़काम लागि माम्‍चु़नीका र्‍वाम्‍डिम थारीकाङा सिम्‍डी।

१ तिमोथी 2:6

खोत्‍ले मु़चु़मिमका देन्‍दे ल्‍वामुडाम फ्‍वामुकु थि सोमु लागि येशू ख्रीष्‍ट उनी त्‍वापङा सासेन्‍सिम्‍डी। खोत्‍ले मु़चु़ सेल्‍सिमिनु़ र्‍वाक्‍पा न बेपा माम्‍चु़नीका येशू ख्रीष्‍ट क्रूसडा चेसिक्‍साका सिमु ग्‍वाम्‍डिम ल्‍वाका रेम्‍बु़। मेराम माम्‍चु़नीका र्‍वाम्‍डिम थारीका दु़स्‍ता।

लूका 20:44

आरेसाका दाऊदका ख्रीष्‍टलाई ‘ङाचो़’ र्‍वा मा हेसाका ख्रीष्‍ट उ चो़ दु़स्‍ता मा?”