गलाती 4:26 - थुलुङ राई

²⁶ लावो कोङमी मेसेम सारा ने पाह्रीलाम यरुशलेमनुङ थो़म्‍मु झाम। गु ने डु़ल्‍चो़मे ने मेएँ, गु ने इकीमा माम सो़।

गलाती 4:26 Referans Kwoze

हिब्रू 12:22

लावो गानी ने सियोन पोप्‍चङडा रोक्‍निम बु, हेल्‍लो लोवो बाट्‍पाम बाट्‍पा माम्‍चु़नीकु शहर, पाह्रीलाम यरूशलेमडा, मा ङार्मुङा मेझापा पाह्रीचो़मिम भ्रसिक्‍तो खोम्‍सिम्‍डिम मेराम खोमडा गानी रोक्‍निम बु।

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

रेम्‍बेट्‌मिडिम ल्‍वा 21:2

सेपा शहर, लाले यरूशलेम पाह्रीलामका माम्‍चु़नीलाम योक्‍तोङा बेपा गो ल्वाउतो, मेराम शहर वोचु़काम लागि ब्‍ल्‍वासाका झो़म्‍सिबेट्‌मा लारेमा होप्‍माम बाइडा।

रेम्‍बेट्‌मिडिम ल्‍वा 3:12

मेजो़पाडला सु़ घ्‍ल्‍वा, गुलाई गो आमा माम्‍चु़नीकु सो़रनेमकु खाँबा होप्‍माम दु़म्‍बेट्‌पु। मेम्‍मा मेलामका गु हाम्‍सी वो मेल। गो गुडला आमा माम्‍चु़नीकु नङ नुङ उनीमा लाले शहर यरूशलेमकु नङ र्‍याक्‍पु। मेराम शहर पाह्रीलाम माम्‍चु़नीलाम यो। मेम्‍मा गुडला आमा लाले नङ वो र्‍याक्‍पु।

गलाती 4:22

माम्‍चु़नीकु सिजेमडा र्‍याक्‍मा बु, अब्राहामकु नले तारापाचो़ बाच्‍ची, कोले हागार र्‍वाक्‍मा डु़ल्‍चो़मेलाममिम मा कोङमी ने सारा र्‍वाक्‍मा उमा त्‍वाकु नाइमेलाममिम।

रोमी 6:18

गानी छु़ललामका सेल्‍सिट्‌निमा माम्‍चु़नीकु जो़पा खारी बेपा डु़ल्‍चो़ दु़म्‍निम बु।

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

यूहन्‍ना 8:36

मेम्‍मिमका तारापाचो़का गानीलाई फ्‍वाक्‍नी माला आच्‍छाङा गानी फ्‍वान्‍सिनी।

१ पत्रुस 2:16

गानी फ्‍वाक्‍मा बुनी मा वो माम्‍चु़नीकु डु़ल्‍चो़ गानी बुनी। मेम्‍मिमका फ्‍वासिङ्‌डोम बु र्‍वाक्‍साका मेजो़पा खारी मेबेनी।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

रेम्‍बेट्‌मिडिम ल्‍वा 17:5

मेराम मेसेमकु कुप्‍पीडा ओराम नङ र्‍याक्‍मा बाइडा, मा ओराम नङकु दुथाम थेसिथेन्‍मु मेझापा बाइडा: “सुबुडाम छो़लो़मामिमकाम नुङ घ्राम्‍लु़पा खारी बेपामिमकु माम डोक्‍पु बेबिलोन।”

गलाती 4:25

अरब नेब्‍दीडाम सीनै पोप्‍चङ ने डु़ल्‍चो़मे हागार होप्‍मामङा सो़, मा ओम्‍लोम यरूशलेम शहरनुङ गुलाई थो़म्‍मु झाम। हेङालोने मेराम शहरडाम मु़चु़मिम डु़म्‍लागोडाम डु़ल्‍चो़ होप्‍मामङा सो़।

रेम्‍बेट्‌मिडिम ल्‍वा 12:1

पाह्रीला कोङ डोक्‍पु नुङ हेल्‍लो वो मेल्‍वाम्‍मा छेखोप दो़स्‍ता, मेराम कोङ मेसेमका नेम्‍सुङ फतासिट्‌पा बाइडा। उ खेल गोयु़ ख्‍लो़मु बाइडा मा को-न सोरलुङमिमकु मुकुट उ बुइडला खुतासिड्‌डा।