गलाती 4:15 - थुलुङ राई

¹⁵ गो गानीनुङ बाङ्‌डोम थारीका गानी छो़म गेर्सी द्‌वाक्‍पा बान्‍नी। आच्‍छाङा गो इनीमा दुथाम र्‍वाङु, इनीमा मिक्‍सी थान्‍मुमा गोलाई ग्‍वामु नु़पा माला ग्‍वाङिनवा। लावो ओम्‍लो हेङा इनीमा न कोर्थो़ लस्‍ता?

गलाती 4:15 Referans Kwoze

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

कलस्‍सी 4:13

गो उमा दुथाम आच्‍छाङा सो़उ, गुका इनीमा लागि मा लाउडिकिया शहरडाम मु़चु़मिमकाम लागि मा हिरापोलिस शहरडा बाट्‌पामिमकाम लागि छो़म मेझापातो खारी बु़होम बु।

१ थेसलोनिकी 5:13

मेर्मिमका खारी बेम्‍डिमका रिखाम बेसाका मेर्मिमलाई छो़म डोक्‍पु बेनी। खोत्‍ले मु़चु़नुङ दु़साका बानी।

१ थेसलोनिकी 2:8

गानीलाई गुकु छो़म रिखाम बेत्तोकोमका माम्‍चु़नीकु जो़पा-सेला गानीनुङ सो़मु कोङङा मेएँ, लावो इनीमा लागि आकीमा साम फ्‍यामु वो गेर्सिद्‌वाक्‍पा बात्तोको। हेङालोने गानी छो़म आकी द्‌वादीबुङ दु़म्‍निम बाइडा।

गलाती 6:4

खोत्‍लेका त्‍वा त्‍वाहोम बासीदोसीलाई त्‍वाकाङा रेप्‍नी। मेम्‍मा जो़पा दु़स्‍ता माला इनीमा त्‍वाकु खारीडा गेर्सी द्‌वाक्‍नी। लावो वाङमिमडाम जो़पा बेउ र्‍वाक्‍साका ने इनी नो़ डोक्‍पु मेबेनी।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

गलाती 4:19

आमा द्‌वादीबुङ चो़च्‍चो़ नी, गानी येशू ख्रीष्‍ट होम्‍मामङा मेदु़म्‍निमिमसम्‍म चो़च्‍चो़ गमु थारीका मेसेमलाई हिम्‍बा खेडु़मिम होप्‍माम दु़खा आथावो गो इम्‍पुमिम बु।

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

२ कोरिन्‍थी 8:3

गो मेर्मिमकु दुथाम सो़उ, मेर्मिमका ग्‍वामु चापाडाम वो हापा उनी त्‍वाकु ग्‍वा-ग्‍वा द्‍वाक्‍पा नका ग्‍वाम्‍डी।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

रोमी 10:2

मेर्मिमकाम माम्‍चु़नीकु दुथाम जो़होमका सो़रलोले बेपा न बु, गो ओराम ल्‍वाकु दुथाम सो़पा बुङु। लावो हेसाका बेपा र्‍वाक्‍साका मेर्मिमका मेचमी।

रोमी 9:3

आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

गलाती 4:14

मेम्‍लो गो नो़ङडोमका गानीलाई दु़खा दु़स्‍ता लोवो गोलाई मेद्‍वाक्‍साका हानो-हानोङा मेबेङ्‌निवा। लावो माम्‍चु़नीकु कोले पाह्रीचो़ नुङ येशू ख्रीष्‍टलाई बेन्‍निम होङ्‍ङा हुनाखाना बेङ्‌डिनी।

गलाती 4:16

हाम गो गानीलाई आच्‍छाङाकाम ल्‍वा सो़उतोमका गो इनीमा स्‍वाक्‍चिमो मु़चु़ दु़म्‍ङोडोम बु मा?