गलाती 4:14 - थुलुङ राई

¹⁴ मेम्‍लो गो नो़ङडोमका गानीलाई दु़खा दु़स्‍ता लोवो गोलाई मेद्‍वाक्‍साका हानो-हानोङा मेबेङ्‌निवा। लावो माम्‍चु़नीकु कोले पाह्रीचो़ नुङ येशू ख्रीष्‍टलाई बेन्‍निम होङ्‍ङा हुनाखाना बेङ्‌डिनी।

गलाती 4:14 Referans Kwoze

मत्ती 10:40

“उहेमका गानीलाई रनी, मेरामका गोलाई रङी। मेम्‍मा उहेमका गोलाई रङी, मेरामका गोलाई थु़र्पा पापलाई रङु़।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

हिब्रू 13:2

इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।

२ कोरिन्‍थी 5:20

मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

गलाती 4:13

गानी ओराम ल्‍वा ने चनिमङा बु, खोत्‍लेडाम ङादो इनीमाडा जो़पा-सेला थो़बेट्‌निनिलो गो नो़पा बाङ्‌डो।

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

१ कोरिन्थी 1:28

सु़म्‍दिसेरडाम मु़चु़मिमका डोक्‍पु मिम्‍मिडिम ल्‍वामिमलाई हाम ना हामकाम दु़म्‍बेन्‍मु लागि सु़म्‍दिसेरका याक्‍के मिम्‍डु़म मा हाम ना हामकाम ल्‍वामिमलाई माम्‍चु़नीका छेट्‌मिडी।

यूहन्‍ना 13:20

आच्‍छाङा गो गानीलाई र्‍वाङु, गो थु़र्तोमलाई रपाका गोलाई रङी, मा गोलाई रपाका गोलाई थु़र्पालाई रङु़।”

लूका 10:16

येशूका उनी सीसिपामिमलाई र्‍वाम्‍डी, “उहेमका इनीमा ल्‍वा थो़सु़, मेरामका आमा ल्‍वा थो़सु़मिम होप्‍माम ङा सो़। उहेमका इनीमा ल्‍वा मेथो़सु़, मेरामका आमा ल्‍वा वो मेथो़सु़मिम होप्‍माम ङा सो़, मा उहेमका आमा ल्‍वा मेथो़सु़, मेरामका गोलाई थु़र्पा माम्‍चु़नीका र्‍वामिम वो मेथो़सु़मिम होप्‍माम ङा सो़।”

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

मत्ती 18:5

उहेमका आमा लागि आरेप्‍माम चो़च्‍चो़लाई हुनाखाना बु़, मेरामका गोलाई हुनाखाना बोङि।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

गलाती 4:15

गो गानीनुङ बाङ्‌डोम थारीका गानी छो़म गेर्सी द्‌वाक्‍पा बान्‍नी। आच्‍छाङा गो इनीमा दुथाम र्‍वाङु, इनीमा मिक्‍सी थान्‍मुमा गोलाई ग्‍वामु नु़पा माला ग्‍वाङिनवा। लावो ओम्‍लो हेङा इनीमा न कोर्थो़ लस्‍ता?