गलाती 3:8 - थुलुङ राई

⁸ माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

गलाती 3:8 Referans Kwoze

हिब्रू 4:2

गुइलाई होम्‍साकाङा मेर्मिमलाई वो जो़पा-सेला थो़बेट्‌मा बाइडा। लावो मेर्मिमलाई थो़बेट्‌मा जो़पा-सेला ने हाम ना हामकाम दु़स्‍ता, हेङालोने मेर्मिमका थो़म्डिम ल्‍वाडा थो़र मेलु़मिवा।

गलाती 3:22

लावो खोत्‍ले मु़चु़मिमलाई छु़लका बथाडु़मिम बु र्‍वाक्‍पा माम्‍चु़नीकु सिजेमका रेम्‍बु़। मेम्‍मिमका माम्‍चु़नीका याचे जेम्‍डिम ल्‍वा येशू ख्रीष्‍टडा थो़रलु़साका कोङङा गुइ ल्‍वामु चाप्‍सी।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

यूहन्‍ना 7:38

उहेम मु़चु़का गोडला थो़र बु़, माम्‍चु़नीकु सिजेमका र्‍वामिम होङङा मेसिपा त्‍वारो़म ग्‍वाक्‍पा कोर्कु मेरामकु गोलामका पु़डु़।”

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रोमी 9:30

गो र्‍वामु माल्‍तोम ल्‍वा ओराम ङा सो़। वाङसामामिम माम्‍चु़नीकु न-गो होम्‍साका मेदोपा मु़चु़ बाम्‍डी। लावो मेर्मिम ने थो़रलु़सीलामका माम्‍चु़नीकु ङादोडा जो़पा न-गोकाम मु़चु़ दु़म्‍मिडी।

रोमी 9:17

माम्‍चु़नीकु सिजेमडा मिश्रडाम फारो हपकु दुथाम आरेसाका र्‍वाक्‍मा बु, “आमा यु़म गानालाम रेम्‍बेसाका सुबुडा खोत्‍लेथो़ आमा नङ सो़मिनु़ र्‍वाक्‍पा नका गो गानालाई हप दु़म्‍बेट्‌निम बु।”

गलाती 4:30

लावो माम्‍चु़नीकु सिजेमका हाम र्‍वा? “डु़ल्‍चो़मे नुङ मेरामकु तारापाचो़लाई ख्‍लुन्‍सोट्‌नी, हेङालोने त्‍वाकु नाइमेलाम गक्‍पा तारापाचो़का कोङङा उमा पापलाममिम खुन्‍चु़म रमु ल्‍वासु़, डु़ल्‍चो़मेकु तारापाचो़का ने हेल्‍लो वो रमु मेल्‍वासु़।”

थु़र्मा 2:35

गो इमा स्वाक्‍चिमोमिमलाई इमा फेमखेलगोयु़ मेबेथु़मसम्‍म गाना आमा जो़पलाम बाया’।”

यूहन्‍ना 7:42

माम्‍चु़नीकु सिजेमका जो़होमका र्‍वाक्‍ताम बु, दाऊद हप गस्‍ताम देल बेथलेहेमडा, दाऊद हपकु चो़-चु़सु़मिमलामका ख्रीष्‍ट गमी।”

यूहन्‍ना 19:37

आथावो माम्‍चु़नीकु सिजेमका र्‍वा, “उहेमलाई जातेका सुम्‍डी, मेरामलाई मेर्मिमका रेम्‍मी।”