गलाती 3:29 - थुलुङ राई

²⁹ गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

गलाती 3:29 Referans Kwoze

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

गलाती 3:7

मेम्‍मिमका गानी ओराम ल्‍वा चन्‍जो़ल्‍नी, उहेमका थो़र बोमी मेर्मिमङा अब्राहामकु चो़-चु़सु़मिम सो़।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

गलाती 4:7

मेम्‍मिमका आथाडा आनो गानी डु़ल्‍चो़ मेएँ, माम्‍चु़नीकु चो़मिम सो़, मा गानी उनीमा चो़ दु़म्‍निमका गुमीका याचेजेम्‍डिम ल्‍वाकु खुन्‍चु़म खुसिमु ल्‍वापा दु़म्‍निम बु।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

२ कोरिन्‍थी 10:7

गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।

हिब्रू 6:17

माम्‍चु़नीका ङादो याचे जेम्डिम ल्‍वा हेल्‍लो मेफान्‍सी र्‍वाक्‍साका मेराम ल्‍वा डार्पामिमलाई जो़होमका रेम्‍बेट्‍पा उनीमा न बाइडा। मेम्‍मिमका गुमीका कसम पेम्‍डी।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

हिब्रू 11:18

माम्‍चु़नीका गुलाई आरे बेम्‍डिम बाइडा, “इसहाकलाममिमङा इमा चो़-चु़सु़मिम ङार्सिप्‍मी।”

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

मत्ती 3:9

‘गुकु ने अब्राहामकु चो़-चु़सु़ सो़, मेम्‍मिमका देन्‍दे मेल्‍वाकु’ र्‍वाक्‍पा इनी त्‍वाप-त्‍वापगोडा मेमिम्‍सिट्‌नी, हेङालोने गो गानीलाई र्‍वाङु, माम्‍चु़नीका ओर्मिम लुङकाम वो अब्राहामकु चो़-चु़सु़ प्रङमु चाम्‍मी।

गलाती 3:18

माम्‍चु़नीका ग्‍वानिनी र्‍वाम्‍डिम जि डु़म्‍ला होम्‍साका दोसाका ल्‍वापा माला मेराम ने याचे जेम्‍डिमलाम ल्‍वाम्‍मा मेदु़म। लावो माम्‍चु़नीका अब्राहामनुङ याचे जेसिलामङा ओराम जि गुलाई ग्‍वाम्‍डिम सो़।

गलाती 4:1

लावो गो र्‍वामु माल्‍तोम ल्‍वा ओराम ङा सो़, माम-पापकु खाप्‍ची ल्‍वापा मु़चु़ चो़च्‍चो़ङा बु माला गु खोलेम थोककु हप दु़म लोवो डु़ल्‍चो़ होप्‍माम ङा सो़।

गलाती 6:16

ओराम ल्‍वा होम्‍साका दोपा मा माम्‍चु़नीकु खोत्‍ले मु़चु़मिमका न-भ्रसी नुङ न-थो़म ल्‍वामिनु़।