गलाती 3:28 - थुलुङ राई

²⁸ आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

गलाती 3:28 Referans Kwoze

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

एफिसी 4:4

माम्‍चु़नीका गुइलाई कोलेङा जो़पा ल्‍वा ल्‍वामुकाम लागि येसाड्‌डामी, मेम्‍साका गुइ ख्रीष्‍टडा दु़म्‍पामिम खोत्‍ले कोले मिरो़म सो़ मा माम्‍चु़नी-पेल वो कोलेङा बुमी।

रोमी 9:24

गुमीका येसाड्‍डामिम ने गुइ ङा सो़। गुमीका यहूदीमिमलाई कोङङा मेयेट्‌मिवा लावो वाङसामागोडाम मु़चु़मिमलाई वो येट्‌मिडी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

यूहन्‍ना 17:11

“गो सु़म्‍दिसेरडा मेबुङु, लावो मेर्मिम सु़म्‍दिसेरडा बुमी, मा गो ने इनीमाडा गेत्तोङा बेउ। सेपा पाआ, गानी गोलाई ग्‍वाङ्‌डिनिम इनीमा नङकु यु़मका मेर्मिमलाई बोनी-थार्निमी, मा गानी नुङ गो कोङसो़ बुचिमिम होङ्‍ङा मेर्मिम वो कोङसो़ दु़म्‍मिनु़।

१ कोरिन्थी 7:14

हेङालोने थो़रमेलु़पा वोचु़ उ नाइमे थो़रलु़पा बुमिमका माम्चु़नीका रमु घ्रेट्‍पा दु़म, मेम्साका ङा थो़रमेलु़पा नाइमेकाम वो उ वोचु़ थो़रलु़पा बुमिमका माम्‍चु़नीका रमु घ्रेट्‍पा दु़म। मेएँ माला ने उचीमा चो़च्‍चो़मिम मेसेपा दु़म्‍मिवा, लावो मेर्मिम ने माम्‍चु़नीका रमु घ्रेट्‍पाङा बुमी।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 4:14

मेम्‍लो गो नो़ङडोमका गानीलाई दु़खा दु़स्‍ता लोवो गोलाई मेद्‍वाक्‍साका हानो-हानोङा मेबेङ्‌निवा। लावो माम्‍चु़नीकु कोले पाह्रीचो़ नुङ येशू ख्रीष्‍टलाई बेन्‍निम होङ्‍ङा हुनाखाना बेङ्‌डिनी।

गलाती 5:24

येशू ख्रीष्‍टकु मु़चु़मिमका छु़लबेपा त्‍वाकु बादु़खाम नुङ मेम बोमुम बुमु माल्‍पा मेजो़पा न-गो ने क्रूसडा चेट्‌मिडिम बु।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

कलस्‍सी 1:4

हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

१ तिमोथी 1:12

इकीमा ङाचो़ येशू ख्रीष्‍टलाई आलासो़ र्‍वाङु, हेङालोने गुमीका गोलाई थो़र लु़इमिम मिम्‍ङिडिमिमा उनी लाले-पाङकेकु खारी बोमु थुट्‌ङिडिमिमा यु़म वो ग्‍वाङ्‌डिमी।

२ तिमोथी 1:1

आमा द्‌वादीबुङ तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। ख्रीष्‍ट येशूडा त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम होम्‍साका, मा उनीमा नका थुट्‌ङिडिमिम गो ख्रीष्‍ट येशूकु थु़र्मा सो़। इकीमा माम्‍चु़नी पाप नुङ इकीमा ङाचो़ ख्रीष्‍ट येशूलामका गाना दिदाम, न-थो़म नुङ न-भ्रसी ल्‍वानानु़!