गलाती 3:21 - थुलुङ राई

²¹ मेम माला हाम डु़म्‍ला ने माम्‍चु़नीका याचे जेम्‍डिम ल्‍वाकु कोर्थो़लाम मा? मेएँ, डु़म्‍लाका मु़चु़मिमलाई त्‍वारो़म ग्‍वामु चाप्‍सु़वाम माला ने गुइ डु़म्‍ला होम्‍साका दोसाकाङा माम्‍चु़नीकु ङादोडा जो़पा न-गोकाम दु़म्‍सिवा।

गलाती 3:21 Referans Kwoze

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

रोमी 9:31

लावो इस्राएलीमिमका ने माम्‍चु़नीकु जो़पा डु़म्‍ला ख्‍लक्‍साका माम्‍चु़नीकु ङादोडा जो़पा न-गोकाम दु़म्‍मु माल्‍मिडी लोवो दु़म्‍मु मेचाप्‍मिवा।

गलाती 2:19

हेङालोने गो डु़म्‍ला होम्‍साका दोमु माल्‍तोलो डु़म्‍लाका गोलाई मुमा बेट्‌ङिडी। मेम्‍मिमका गो माम्‍चु़नीकाम लागि नु़पा दु़म्‍मु चापुनु़ र्‍वाक्‍साका डु़म्‍ला होम्‍साका गो दोमु डित्तो।

गलाती 2:17

लावो येशू ख्रीष्‍टनुङ कोले दु़म्‍साका माम्‍चु़नीकु ङादोडा मुमा मान्‍थिम दु़म्‍मु माल्‍कुलो, गुकु यहूदीमिम लोवो वाङसामामिम होप्‍मामङा छु़लचो़ दु़म्कु माला येशू ख्रीष्‍टका छु़ल बेबेत्तिकिमिम मा? आरेप्‍माम ने हेल्‍लो वो दु़म्‍मु मेचाप्‍सु़।

रोमी 3:31

थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

रोमी 3:4

आरेप्‍माम हेल्‍लो वो मेदु़म, मु़चु़मिम लिमाचो़ दु़म्‍मी लोवो माम्‍चु़नी आच्‍छाङाकाम बुमी। माम्‍चु़नीकु सिजेमडा र्‍याक्‍मा बु, “गानी जेन्‍निम ल्‍वा आच्‍छाङा सो़ र्‍वाक्‍साका मु़चु़मिमका र्‍वामी, मा निया दु़म्‍मिम थारीका गानी घ्‍ल्‍वानी।”

रोमी 3:6

माम्‍चु़नीका देन्‍दे ग्‍वामु र्‍वाक्‍मा मेजो़पा ल्‍वा हेल्‍लो वो मेएँ। मेम माला ने माम्‍चु़नीका सु़म्‍दिसेरडाम मु़चु़मिमकु निया हेसाका बोमु चाम्‍मी मा?

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

लूका 20:16

गु रोमा मे बोम्‍था बेपा मु़चु़मिमलाई सेडु़मी, मा अङ्‍गूर ये कोङमीलाई ङा ग्‍वाकु़मी।” मु़चु़मिमका ओराम थो़म्‍डिमा र्‍वाम्‍डी, “आरेप्‍माम हेल्‍लो वो मेदु़म्‍नु़।”

२ कोरिन्‍थी 3:7

लुङकु र्‍याखोपडा डु़म्‍ला र्‍याम्‍डिमा ग्‍वाम्‍डिम थारीका माम्‍चु़नीकु यु़म झ्‍वाक्‍सी रेम्‍बेसिड्‍डा। मेराम यु़म झ्‍वाक्‍सीका मोशाकु कल झ्‍वाक्‍ताम बाइडा। मेप्‍माम झ्‍वाक्‍पामा वाखाताम दाम्‍तो लक्‍पा ल्‍वा लोवो इस्राएलीमिमका मोशाकु कल रेम्‍मुङा मेचाप्‍मिवा। सिमुलाम रेट्‍पा डु़म्‍ला रेड्‍डु़लो ने मेप्‍माम यु़म-झ्‍वाक्‍सी बाइडा माला,

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

हिब्रू 7:18

ङादोम डु़म्‍ला पार्सिड्‌डाम बु, हेङालोने ओरामका मु़चु़मिमलाई माम्‍चु़नीकाडा रेन्‍मु मेचाप्‍सु़वा मा हाम ना हामकाम दु़स्‍ता।

हिब्रू 7:19

मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।