गलाती 3:19 - थुलुङ राई

¹⁹ मेम माला डु़म्‍ला हेङा चाहे दु़स्‍ता मा? मु़चु़मिमका मेजो़पा खारी बोमी र्‍वाक्‍पा ल्‍वा रेम्‍बोमु लागि माम्‍चु़नीका अब्राहामनुङ याचे जेम्‍डिम मेराम चो़-चु़सु़ मेयोक्‍थु़मसम्‍म डु़म्‍ला मु़चु़मिमगोडा थु़र्मिडी। मेराम डु़म्‍ला ने माम्‍चु़नीका पाह्रीचो़मिमलाम मु़चु़मिम नुङ माम्‍चु़नीकु थेतेडा दु़म्‍पा मोशालाई ग्‍वाम्‍डिम बाइडा।

गलाती 3:19 Referans Kwoze

थु़र्मा 7:53

पाह्रीचो़मिमका गानीलाई माम्‍चु़नीकु डु़म्‍ला ग्‍वानिमी, मेम लावो गानी मेराम होम्‍साका मेबेनिवा।”

हिब्रू 2:2

माके माके पाह्रीचो़मिमलामका इकी बेप-पापमिमलाई माम्‍चु़नीकु सीसि आच्‍छाङा र्‍वाक्‍साका रेम्‍बेम्‍मा बाइडा। मेम्मा मेराम सीसिकु कोर्थो़लाम बम्‍डिम मु़चु़मिम नुङ मेराम सीसि होम्‍साका मेबेमिवाम खोत्ले मेर्मिमका बेम्‍डिम खारी होम्‍साका देन्‍दे ल्‍वाम्‍डी।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

रोमी 4:15

डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।

रोमी 2:13

हेङालोने डु़म्‍ला थो़साका कोङङा मु़चु़मिम माम्‍चु़नीकु ङादोडा जो़पा न-गोकाम मेदु़म्‍मी, लावो डु़म्‍ला होम्‍साका दोपा मु़चु़ङा माम्‍चु़नीका जो़पा न-गोकाम मिम्‍मी।

थु़र्मा 7:38

इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।

यूहन्‍ना 15:22

गो मेयोङुवा, मा मेर्मिमनुङ मेर्‍वाङुवाम माला मेर्मिम उनी छु़लकु मुमा बेन्‍ला मेसो़म्‍सिप्‍मिवा। लावो आथा ने मेर्मिमका छु़ल मेबेमिवाम लिसिक्‍पा ल्‍वा मेर्मिमनुङ हाम वो मिबु।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

हिब्रू 2:5

गुइ ङादो आथाम र्‍वाक्‍तो बिइडिम, रोक्‍पा सु़म्‍दिसेर माम्‍चु़नीका पाह्रीचो़मिमकु साखामगोडा जु़ल्‍मिडिम मिबु।

लूका 16:31

“अब्राहामका गुलाई र्‍वाक्‍ता, ‘मोशा नुङ माम्‍चु़नीलाम-जेपामिमकु सिजेम थो़मिमा उनी छु़ल न-गोलामका मिम्‍सिसाका मेख्‍लोम्‍सिमी माला सिमुलामका कोङनिम बगेङा लोवो मेर्मिमका मेथो़मी’।”