गलाती 3:18 - थुलुङ राई

¹⁸ माम्‍चु़नीका ग्‍वानिनी र्‍वाम्‍डिम जि डु़म्‍ला होम्‍साका दोसाका ल्‍वापा माला मेराम ने याचे जेम्‍डिमलाम ल्‍वाम्‍मा मेदु़म। लावो माम्‍चु़नीका अब्राहामनुङ याचे जेसिलामङा ओराम जि गुलाई ग्‍वाम्‍डिम सो़।

गलाती 3:18 Referans Kwoze

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

गलाती 3:29

गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

गलाती 3:12

डु़म्‍ला ने थो़रलु़सीलाममिम ल्‍वा मेएँ, खारी बेपा ल्‍वा सो़, हेङालोने आरेसाका र्‍याक्‍मा बु, “डु़म्‍ला होम्‍साका खारी बेपा मु़चु़ मेरामलामका ङा नु़पा दु़म।”

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”