गलाती 3:16 - थुलुङ राई

¹⁶ माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

गलाती 3:16 Referans Kwoze

रोमी 4:13

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।

लूका 1:55

मा इकीमा ङाउ-खुउमिमनुङ गुमीका ङादो र्‍वाम्‍डिम होम्‍साका ङा अब्राहाम नुङ उमा चो़-चु़सु़मिमडला हेल्‍लो लोवो उनीमा न-थो़म रेम्‍बेम्‍डिम बु।”

रोमी 4:16

माम्‍चु़नीका याचेजेम्‍डिम ल्‍वा ने थो़रलाम ल्‍वासिक्‍पामिमका ओराम माम्‍चु़नीकु दिदामलाम रो। ओरामका डु़म्‍ला होम्‍साका दोपा अब्राहामकु खोत्‍ले चो़-चु़सु़मिमकाम लागि कोङङा मेएँ, लावो अब्राहाम होम्‍साका थो़रलु़पा मु़चु़मिमका वो आच्‍छाङा ल्‍वामी। हेङालोने थो़रलु़पामिमकु ङाउ-खुउ ने अब्राहाम सो़।

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

थु़र्मा 3:25

गानी मे माम्‍चु़नीलाम-जेपामिम नुङ माम्‍चु़नीका सो़रख्रेप्‍मिडिम बेप-पापकु चो़-चु़सु़ ङा बुनी, उहेम सो़रख्रेप्‍सी अब्राहामनुङ आरे र्‍वाम्‍डिमा ख्रेप्‍मिडिम बाइडा, ‘इमा चो़-चु़सु़लामका ङा सुबुडाम खोत्‍ले मु़चु़मिमका जि ल्‍वामी।’

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

१ कोरिन्थी 12:27

गानी ख्रीष्‍टकु मिरो़म, मा गानी खोत्‍ले ने मेराम मिरो़मडाम भाग सो़।

१ कोरिन्थी 12:12

मु़चु़कु मिरो़म गोडा हापा अंग बुमी, लोवो मे खोत्‍ले दु़म्‍साका कोलेङा मिरो़म बनेदु़म। ख्रीष्‍ट वो मेप्‍मामङा सो़।

रोमी 12:5

मेम्‍साका ङा गुइ हापा बुइ लोवो गुइ ख्रीष्‍टकाम कोलेङा मिरो़म सो़ मा गुइ खोत्‍लेङा कोले कोङमीकु अंग सो़।

कलस्‍सी 2:19

मेराम मु़चु़ ने गुलाई थो़पा बुइ ख्रीष्‍ट नुङ मेदु़म्साका वाङ दु़म। ख्रीष्‍ट ने मिरो़मकु बुइ बुमी। गुमीका मिरो़मलाई डु़ल्मी। मेम्साका मिरो़मकु सेर नुङ सोरिप घ्रो़मबेसाका खोत्ले मिरो़म माम्चु़नीकु न होम्साका बर्तो लमी।

एफिसी 5:32

ओराम ने सु़का वो थेसिथेन्‍मु मेचापा ल्‍वा बाइडा, लावो मेराम ने ख्रीष्‍ट नुङ थो़रलु़पामिमकु दुथाम ल्वा सो़।

मत्ती 1:1

ओराम येशू ख्रीष्‍टकु पाइमाखाकाम नङमिमकु सु़म्‍दिमोलोम ल्‍वा सो़। येशू ख्रीष्‍ट दाऊदकु दोचो़लामका रोम्‍डी, मा दाऊद अब्राहामकु दोचो़लाममिम बाइडा।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

२ कोरिन्‍थी 11:22

हाम मेर्मिम हिब्रू? गो वो हिब्रू ङा। हाम मेर्मिम इस्राएलीमिम? गो वो मेङा। हाम मेर्मिम अब्राहामकु चो़ चु़सु़मिम? गो वो मेङा।

गलाती 3:19

मेम माला डु़म्‍ला हेङा चाहे दु़स्‍ता मा? मु़चु़मिमका मेजो़पा खारी बोमी र्‍वाक्‍पा ल्‍वा रेम्‍बोमु लागि माम्‍चु़नीका अब्राहामनुङ याचे जेम्‍डिम मेराम चो़-चु़सु़ मेयोक्‍थु़मसम्‍म डु़म्‍ला मु़चु़मिमगोडा थु़र्मिडी। मेराम डु़म्‍ला ने माम्‍चु़नीका पाह्रीचो़मिमलाम मु़चु़मिम नुङ माम्‍चु़नीकु थेतेडा दु़म्‍पा मोशालाई ग्‍वाम्‍डिम बाइडा।