गलाती 3:14 - थुलुङ राई

¹⁴ अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

गलाती 3:14 Referans Kwoze

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

गलाती 3:2

गानीनुङ गो कोले कोङङा ल्‍वा हिलाबेपा न बु, माम्‍चु़नी-पेल गानी डु़म्‍ला होम्‍साका खारी बेसाका ल्‍वान्‍निम डे, जो़पा-सेलाडा थो़र लु़साका ल्‍वान्‍निम डे?

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

एफिसी 3:16

उनीमा हेल्‍लो वो मेहुक्‍पा जि-वाका सासाका उनीमा पेललामका गानीलाई यु़म ग्‍वाक्‍साका इनीमा न-गो सोनुङमा दु़म्‍बेन्‍मिनु़ र्‍वाक्‍साका यु़मनुङमा माम्‍चु़नीनुङ सो़म्‍दी बेउ।

एफिसी 2:22

गानी वो ख्रीष्‍टनुङ कोदेप दु़म्‍साका वाङमिम खोत्‍लेनुङ कोयोङा माम्‍चु़नी-पेललामका माम्‍चु़नी बाट्‍पा खोम दु़म्‍तो लक्‍नी।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

थु़र्मा 5:32

गुकु ओर्मिम खोत्‍ले ल्‍वा आकी मिक्‍सीका ङा ल्‍वात्तोकोम बु, मा गुमीका र्‍वामिमिम थो़पामिमलाई माम्‍चु़नीका ग्‍वाम्‍डिम उनी पेलका वो मेराम सो़मी।”

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

लूका 11:13

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

१ पत्रुस 3:9

मेजो़पा बेपालाई मेजो़पा मेबेनी मा डक्‍साका जेपालाई डक्‍साका मेजेनी, लावो मेर्मिमलाई जि-वा ग्‍वाक्‍नी। हेङालोने माम्‍चु़नीका गानीलाई जि-वा ग्‍वामु लागिङा येट्‌निम सो़, मेम्‍साका गानी जि-वा ल्‍वानी।