Biblia Todo Logo
Bib sou entènèt

- Piblisite -




गलाती 3:13 - थुलुङ राई

13 येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

Gade chapit la Kopi




गलाती 3:13
43 Referans Kwoze  

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।


येशू ख्रीष्‍ट खोत्‍लेडाम सेपा मेराम खोमडा हेल्‍लो लोवोकाम लागि कोखेपङा हुम्‍डी। गुइलाई हेल्‍लो लोवो सेल्‍सिक्‍पा बेसाका गुमी मे डोक्‍पु खोमगोनो छ्‌वारा नुङ बेनोकु सिसि लक्‍साका मेएँ उनीमा त्‍वाकु सिसिङा लक्‍साका मेगोनो हुम्‍डी।


माम्‍चु़नीका याचे जेम्‍डिम हेल्‍लो लोवो दु़म्‍पा जिवामिम गुमीका थुट्‌मिडिम मु़चु़मिमकाङा ल्‍वामिनु़ र्‍वाक्‍साका येशू ख्रीष्‍टका माम्‍चु़नीलाममिम लाले सो़रख्रेप्‍सी मु़चु़मिमगोडा रेट्‌मिडिम बु। ङादोम सो़रख्रेप्‍सी बाइडाम थारीका बेम्‍डिम छु़ललामका मु़चु़मिम सेल्‍सिमु ल्‍वामिनु़ र्‍वाक्‍साका ङाचो़ येशू सिम्‍डिम बु।


मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।


हेङालोने ओराम माम्‍चु़नीनुङ उनीमा मु़चु़मिमकाम लाले सो़रख्रेप्‍सीकु आमा सिसि सो़। हापा मु़चु़मिमकाम छु़लमिम हेम्‍मु लागि सासेसाका ओराम हासी।


डु़म्‍लागोडा बाट्‌पामिमलाई थि सोक्‍साका वाङ बोमुमा उनीमा जाउमो तारापाचो़ दु़म्‍बेन्‍मु लागि गुमीका येशू ख्रीष्‍टलाई थु़र्मीडिम बाइडा।


माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,


रिखाम ओरामङा सो़: माम्‍चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्‌डामी, मा इकीमा छु़लमिम हेम्‍सामु सासेन्‍सिप्‍डा उनीमा तारापाचो़ थु़र्मिडी।


इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।


मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।


आरेसाका हेल्‍लो लोवो लमु बासिक्‍पा माला ने सु़म्‍दिमोलो आथामङा गुमीका सिमुकु दु़खा इम्‍मु बासावा। लावो हुक्‍पा थारीका येशू ख्रीष्‍ट मु़चु़मिमकु छु़ल हेप्‍सी हेल्‍लो लोवो दु़म्‍नु़म बुनु़ र्‍वाक्‍साका उनी त्‍वापलाई कोखेपङा सासेन्‍ला सो़सिप्‍डा गुमी रेम्‍बेसिम्‍डी।


खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।


माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”


माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।


गानी क्रूसडा चेट्‌निमा सेट्‌निम येशूलाई इकी ङाउ-खुउकु माम्‍चु़नीका सिमुलाम फम्‍डिम बु।


येशू इकीमा छु़लकाम लागि चेन्‍ला सो़सिम्‍डी मा गुइलाई मुमा मान्‍थिम दु़म्‍बेन्‍मु लागि गुमीलाई माम्‍चु़नीका आथावो सिमुलाम फम्‍खेट्‌मिडी।


येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।


आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।


मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।


मेकोतिमा यहूदाका मेराम खउलुङ सो़रनेमगोनो घ्रोक्‍तु़मा लस्‍ता, मा मेराम चेस्‍तामा सिडा।


Swiv nou:

Piblisite


Piblisite