गलाती 2:8 - थुलुङ राई

⁸ पत्रुसलाई यहूदीमिमगोडाम थु़र्मा दु़म्‍साका जो़पा-सेला दो़पा खारी बेबेट्‌मिडिम माम्‍चु़नीकाङा गोलाई वो वाङसामामिमगोडा जो़पा-सेला दो़बेट्‌ङिडिमी।

गलाती 2:8 Referans Kwoze

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 21:19

मेर्मिमनुङ घ्रो़म्‍मिडिमा पावलका वाङसामामिमलाई जो़पा-सेला थो़बेड्‌डु़मिलो माम्‍चु़नीका हे-हेप्‍माम खारीमिम बेम्‍डी, मेर्मिम खोत्‍ले पेन्‍तिका सीड्‌डु़मी।

थु़र्मा 15:12

वाङसामामिमगोडा माम्‍चु़नीका पावल नुङ बारनाबासलामका हेल्‍लो वो मेल्‍वामिवाम खारीमिम नुङ छेखोपमिम रेम्‍बेम्‍डिम ल्‍वा मेर्चिपका सो़च्‍ची। घ्रो़म्‍दीडा रोम्‍डिम खोत्‍ले मु़चु़मिम लिबा बाम्‍डिमा मेर्मिमका ओराम ल्‍वा जो़होमका थो़म्‍डी।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

१ कोरिन्थी 9:2

गो वाङमिमकाम लागि थु़र्मा मेएँ लोवो इनीमा लागि ने आच्‍छाङा थु़र्मा ङा, हेङालोने ङाचो़ येशूडा गो थु़र्मा दु़म्‍ङोडोमकु छेखोप गानीङा सो़।

थु़र्मा 8:17

पत्रुस नुङ यूहन्‍नाका मेर्मिमडला उची ल्‍वा जु़ल्‍ची, मा मेर्मिमडला माम्‍चु़नी-पेल योम्‍डी।

थु़र्मा 4:4

लावो मेर्चिपकु सिजेम थो़पामिमगोडा हापाका ङा थो़र लु़म्‍डी, मा मे थो़रलु़पा मु़चु़मिम ङो धु़मसङ (५,०००) कोति दु़म्‍मिडी।

थु़र्मा 1:25

मेराम लाले-पाङकेडा नुङ थु़र्मामिमकु खारीडा रोमु चाप्‍सु़नु़, उहेम लाले-पाङकेलामका यहूदा ख्‍लोस्‍तामा उ त्‍वाकु खोमडा सिडा।”

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

गलाती 3:5

माम्‍चु़नीका गानीलाई माम्‍चु़नी-पेल ग्‍वानिमी मा गानीगोडा हेल्‍लो वो मेल्‍वाम्‍मा यु़मखारीमिम बोमी, हाम ओर्मिम खोत्‍ले गानी डु़म्‍ला होम्‍साका खारी बेन्‍निमका आरे बेम्‍डिम डे, गानी थो़न्‍निम जो़पा-सेलाडा थो़र लु़न्‍निमका डे?

थु़र्मा 19:26

लावो पावलका हाम बेत्तोङा लेडु़, मेराम गानी खोत्‍लेका ल्‍वात्तो नुङ थो़त्तो बोनी। पावलका मु़चु़कु ल्‍वाका बनेबोमिमिम ने माम्‍चु़नी मेएँ र्‍वाक्‍तो ङा बु़मिम बु। गुका ओ एफिसस नुङ एशियाडा बाट्‌पा हापा सेर्पा मु़चु़मिमलाई लेम्‍डु़मिमा फाल्‍मु खाप्‍डु़मिम बु।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।