गलाती 2:7 - थुलुङ राई

⁷ लावो माम्‍चु़नीका यहूदीमिमकाडा जो़पा-सेला थो़बेड्‌डा पत्रुसलाई थु़र्मीडिम होम्‍साकाङा वो वाङसामामिमगोडा जो़पा-सेला थो़बेट्‌पा खारी गोलाई वो ग्‍वाङ्‌डिमिम बु र्‍वाक्‍साका मेर्मिमका चम्‍डी।

गलाती 2:7 Referans Kwoze

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

१ थेसलोनिकी 2:4

लावो जो़पा-सेला थो़बेट्‌पा दु़म्‍बेन्‍मु लागि माम्‍चु़नीका घ्रेट्‌पा दु़म्‍बेत्तिकिम होम्‍साका गुकु सीकु। मु़चु़मिमलाई ने गर्सिबेट्‌पा मेएँ, लावो इकीमा न-गो छाम्‍पा गेर्सिबेट्‌पा आकी न बु।

गलाती 1:16

वाङसामागोडा गोलाम जो़पा-सेला थो़बेन्‍मु लागि गुमीका उनीमा तारापाचो़ गेर्सी द्‍वाक्‍तो गोलाई रेम्‍बेम्‍डी। मेम्‍लो गो सु़नुङ वो हिलाहिसी मेबेउवा।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।

१ कोरिन्थी 9:17

गो आमा त्‍वाकु नकाङा जो़पा-सेला थो़बेट्‌पा खारी बेउवाम माला गो हाम हुम ल्‍वापा न बेउवा। लावो ओराम गो बोमुङा बासी, हेङालोने माम्‍चु़नीका ओराम खारी गो बोमु र्‍वाक्‍साका आमा ल्‍वाड्‌डा ग्‍वाङ्‌डिमिम बु।

थु़र्मा 28:28

“मेम्‍मिमका गानी ओराम चनी, माम्‍चु़नीकाम सेल्‍सिक्‍पा ओराम सेला गुमीका वाङसामामिमकाडा थु़र्मिडिम बु, मा मेर्मिमका थो़मी।”

थु़र्मा 18:6

लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

थु़र्मा 15:12

वाङसामामिमगोडा माम्‍चु़नीका पावल नुङ बारनाबासलामका हेल्‍लो वो मेल्‍वामिवाम खारीमिम नुङ छेखोपमिम रेम्‍बेम्‍डिम ल्‍वा मेर्चिपका सो़च्‍ची। घ्रो़म्‍दीडा रोम्‍डिम खोत्‍ले मु़चु़मिम लिबा बाम्‍डिमा मेर्मिमका ओराम ल्‍वा जो़होमका थो़म्‍डी।

रोमी 11:13

गानी वाङसामामिमलाई गो ओराम ल्‍वा र्‍वाक्‍तोङा बेउ। गो वाङसामामिमकु थु़र्मा दु़म्‍ङोडोमका जो़पा-सेला दो़पा खारी बोमुङा छो़म डोक्‍पु मिम्‍पु।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

गलाती 1:6

गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।

गलाती 1:18

सु थ चङडा गो पत्रुसलाई क्रो़म्‍डा यरूशलेम लङ्‌डो मा गुनुङ को-ङोलेम बाङ्‌डो।

गलाती 2:11

पत्रुस एन्‍टिओखियाडा रोक्‍ताम थारीका गुका ख्‍लो़ड्‌डु़म ल्‍वाकु दुथाम उमा ङादोडाङा सो़उतो, हेङालोने गुका कोङनिम ल्‍वा ख्‍लो़ड्‌डु़म बाइडा।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”