गलाती 2:6 - थुलुङ राई

⁶ मेसिन्‍डाम मण्‍डलीडा कोङनिम नङ दोपा डोक्‍पु मु़चु़मिम बाम्‍डी– लोवो गो ने हे होङङा मेलु़ङुवा, हेङालोने माम्‍चु़नीका चो मिक्‍सी मेबोमी– मेर्मिमका गो दो़उतोम जो़पा-सेलाडा कोले ल्‍वा वो मेकाप्‍मिवा।

गलाती 2:6 Referans Kwoze

गलाती 2:2

माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

थु़र्मा 10:34

ओराम थो़स्‍तु़मा पत्रुसका जेमु चो़म्‍डु़, “माम्‍चु़नीका चोमिक्‍सी मेबोमी र्‍वाक्‍पा आच्‍छाङा गो ल्‍वाउतो।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

२ कोरिन्‍थी 11:5

त्वापङा डोक्‍पु दु़म्‍पा मे थु़र्मामिम लिसिक्‍पामिमडाम गो कि-किम वो याक्‍के मेबुङु।

रोमी 2:11

हेङालोने माम्‍चु़नीका सु़लाई वो चोमिक्‍सी मेबोमी।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

हिब्रू 13:17

मण्‍डलीडाम ङाचो़मिमकु ल्‍वाडा बानी मा मेर्मिमका र्‍वामिमिम थो़नी। हेङालोने ङाचो़मिमका हेल्‍लो लोवो इनीमा त्‍वारो़म बोमी-थार्मी मा माम्‍चु़नीकु ङादोडा मेर्मिमका इनीमा खारीकु दुथाम सो़मी। मेर्मिमका ओराम खारी गेर्सी द्‌वाक्‍तो बोमिनु़, मेभ्रसिक्‍तो खारी बोमी माला ने मेरामलाम गानी हाम वो जो़पा ल्‍वा मेल्‍वानी।

हिब्रू 13:7

गानीलाई माम्‍चु़नीकु सिजेम थो़बेट्‌पा मण्‍डलीडाम ङाउमिमलाई मिम्‍नी। मेर्मिमका हाम बेम्‍थाल्‍मिडी मा हेसाका सिम्‍डी मेराम इनीमा नगोडा जु़ल्‍नी। मेर्मिमका थो़र लु़म्‍डिम होम्‍साका गानी वो थो़रलु़नी।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

लूका 20:21

मेकोतिमा मे ल्‍वा खुपा मु़चु़मिमका हिलाबेम्‍डी, “ङाचो़, गानी र्‍वानिमिम नुङ सीनिमिम ल्‍वा जो़पा बु, मा सु़लाई वो चोमिक्‍सी मेबोनी, लावो आच्‍छाङा माम्‍चु़नीकु लाम्‍दी सीनिमी र्‍वाक्‍पा गुकु चकु।

मर्कूस 12:14

मेर्मिम उनीमाडा रोम्‍डिमा गुमीनुङ र्‍वाम्‍डी, “ङाचो़, गानी आच्‍छाङाकाम बुनी, मा सु़कामथो़ वो न मेसोनी र्‍वाक्‍पा गुकु चकु, हेङालोने गानी ङाली रेप्‍साका खारी मेबोनी, लावो माम्‍चु़नीकु लाम्दी आच्‍छाङा जो़होमका सो़नी। सो़नीका, कैसरलाई कर सोक्‍सी नु़ डे मेनु़?

मत्ती 22:16

मेर्मिमका उनी सीसिपामिमलाई हेरोद हपलाम बासिक्‍पा मु़चु़मिमनुङ येशूकाडा थु़र्मिडी। मेर्मिमका र्‍वाम्‍डी, “ए ङाचो़, गानी लिमा मेथेनी र्‍वाक्‍साका गुकु चकु। माम्‍चु़नीकु लाम्‍दी जो़होमका सीनिमी। गानी सु़लाम वो मेबान्‍सिनी, मा खोत्‍लेलाई कोहोङङा बोनी।

थु़र्मा 5:36

हेङालोने ओरामडाम किचो़ ङादो वो थुदासका डोक्‍पु मु़चु़ लिस्‍तामा ब्‍ल सङ (४००) कोति मु़चु़मिम मेरामनुङ लाम्‍दिम्‍डी। चङडा मेराम मु़चु़ सेट्‌मिडी, मा गुनुङ लाम्‍दिपामिम खोत्‍ले ङा फोन्‍सिम्‍डी, मा मेकोतिङा दाम्‍मिडी।