Biblia Todo Logo
Bib sou entènèt

- Piblisite -




गलाती 2:19 - थुलुङ राई

19 हेङालोने गो डु़म्‍ला होम्‍साका दोमु माल्‍तोलो डु़म्‍लाका गोलाई मुमा बेट्‌ङिडी। मेम्‍मिमका गो माम्‍चु़नीकाम लागि नु़पा दु़म्‍मु चापुनु़ र्‍वाक्‍साका डु़म्‍ला होम्‍साका गो दोमु डित्तो।

Gade chapit la Kopi




गलाती 2:19
28 Referans Kwoze  

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।


मेम ने मेदु़म्‍नु़! गुइ छु़लकाम लागि सिइडिम बु, हाम आथावो गुइ छु़लङा बोमुम बुमु मा?


ख्रीष्‍ट योमिलो सिपा बुइ लोवो नु़पा बुइ लोवो गुमीनुङङा गुइ हेल्‍लो लोवो दु़म्‍सिनु़ र्‍वाक्‍साका इकीमा लागि ख्रीष्‍ट सिम्‍डी।


गुमी खोत्लेकाम लागि सिम्डी। मेम्‍मिमका लाले त्‍वारो़म ल्‍वापामिमका आथाडा आनो त्वाकाम लागि मेएँ, लावो ख्रीष्‍टकाम लागि नु़मु बासी, गुमी मेर्मिमकाम लागि सिम्‍डी मा सिमुलाम बम्‍गेम्‍डिम।


आरेसाकाङा गानी इनी त्‍वाप वो छु़लकाम लागि सिन्‍नी, लावो माम्‍चु़नीकाम लागि ने ख्रीष्‍ट येशूनुङङा नु़पा बुनी र्‍वाक्‍पा मिम्‍सिट्‍नी।


हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।


गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।


छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।


मेम्‍मिमका हेल्‍लो वो मेसिपा त्‍वारो़म मेल्‍वापामिमलाई जो़पा-सेला थो़बेट्‌मिडी, मा खोत्‍ले मु़चु़ होङङा मेर्मिम सिमुङा बासावा लोवो आथा ने मेर्मिम पेलडा माम्‍चु़नीनुङ हेल्‍लो लोवो नु़मिम बुमिनु़।


लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।


खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।


गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?


थो़रलामकाङा गुइ माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका येशू ख्रीष्‍ट मेयोक्‍थु़मसम्‍म मेराम डु़म्‍लाका गुइलाई जो़पा खारी बोमुडा क्रिसाड्‍डाम बाइडा।


गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।


हेङालोने ङादोम इनीमा बासी-दोसी हुक्‍ताम बु मा इनीमा आच्‍छाङाकु त्‍वारो़म माम्‍चु़नीडा ख्रीष्‍टनुङ थक्‍मा बु।


माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”


मेम्‍मिमका गानी पोनी डुनी हाम बोनी लोवो माम्‍चु़नी डोक्‍पु दु़म्‍मिनु़।


डु़म्‍ला ने माम्‍चु़नी-पेलका ग्‍वाक्‍साड्‍डामिम जो़पा ल्‍वा र्‍वाक्‍साका गुइ चडिम बु। लावो गो ने आमा न-गो होम्‍साका दोपा छु़लका र्‍वामिम थो़पा मा डु़ल्‍चो़ होङङा छु़लडा भ्रेन्‍सिङडोम मु़चु़ सो़।


डु़म्‍ला रोक्‍ताम चङडा छु़ल बर्डा। छु़ल बर्तो लस्‍ता लोवो मेरामडाम हापा माम्‍चु़नीकु दिदाम बर्तो लस्‍ता।


डु़म्‍लाका र्‍वामिम मेथो़पामिमडला माम्‍चु़नीका छोक्‍चो हान्‍मी, मा डु़म्‍ला मेबायावाम माला ने छु़ल वो मेगक्‍सावा।


यहूदीमिमनुङ खारी बेउतोलो मेर्मिमका ख्रीष्‍टडा थो़र लु़मिनु र्‍वाक्‍साका गो यहूदीमिम होप्‍मामङा दु़म्‍ङोरो। गो डु़म्‍ला होम्‍साका मेदोपा लोवो डु़म्‍ला होम्‍साका दोपामिमलाई थो़र लु़बेन्‍मुमि लागि डु़म्‍ला होम्‍साका दोपा होप्‍मामङा दु़म्‍ङोरो।


लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।


Swiv nou:

Piblisite


Piblisite