गलाती 2:14 - थुलुङ राई

¹⁴ मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

गलाती 2:14 Referans Kwoze

गलाती 2:5

लावो जो़पा-सेलाकु आच्‍छाङाकाम सिजेम इनीमा लागि दु़म्‍नु़म बुनु़ र्‍वाक्‍साका मेर्मिमका र्‍वाम्‍डिम ल्‍वा कि-कि वो गुकु मेथो़कुवा।

थु़र्मा 10:28

पत्रुसका मेर्मिमनुङ र्‍वाक्‍ता, “वाङसामामिमनुङ घ्रो़म्‍मु, बुमु गुकु यहूदीलाई डु़म्‍लाका मेग्‍वाकी र्‍वाक्‍पा ल्‍वा गानी खोत्‍लेका जो़होमका चनिमिम ङा बु। लावो आथा उहेम मु़चु़लाई वो मेसेपा नुङ घ्राम्‍लु़पा मिम्‍सी मेनु़ र्‍वाक्‍साका माम्‍चु़नीका गोलाई रेम्‍बेट्‌ङिडिमिम बु।

१ तिमोथी 5:20

छु़ल बेपामबाट्‌पामिमलाई थो़रलु़पामिम खोत्‍लेकु ङादोडा भुरामी, मा आरे बोनामिमका वाङमिम वो ङिमी।

गलाती 6:12

पाखानो जो़पा लिसिमु द्‌वाक्‍पामिमकाङा कोक्‍ते खिरिरि क्रिप्‍सी बोमु बासी र्‍वाक्‍साका गानीलाई छो़म र्‍वामी, हेङालोने येशू ख्रीष्‍ट क्रूसडा सासेन्‍सिम्‍डिम ल्‍वाका कोङङा सेल्‍सिमु झाम र्‍वाक्‍पा सीसि सीमिलो उनी त्‍वापडला दु़खा मेरोनु़ र्‍वाक्‍साका मेर्मिमका मेम र्‍वामी।

हिब्रू 12:13

खेल ब्‍लेट्‍पामिम समिनु़ मा मेतासाका लाम्‍दिमु चाम्‍मिनु़ र्‍वाक्‍साका गानी ङाचो़कु चङचङ लाम्‍दिमुडा जो़होमका लाम्‍दिनी।

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

गलाती 2:7

लावो माम्‍चु़नीका यहूदीमिमकाडा जो़पा-सेला थो़बेड्‌डा पत्रुसलाई थु़र्मीडिम होम्‍साकाङा वो वाङसामामिमगोडा जो़पा-सेला थो़बेट्‌पा खारी गोलाई वो ग्‍वाङ्‌डिमिम बु र्‍वाक्‍साका मेर्मिमका चम्‍डी।

रोमी 14:14

ङाचो़ येशूडा थो़र बेउतोमका गो ओराम ल्‍वा आच्‍छाङा चक्‍पु, बाम वो पोमुथोक त्‍वापङा मेसेपा मेदु़म। लावो कोङनिमका हाम-हुम पोमुथोक मेसेपा मिम्‍डु़ माला उमा लागि मेराम मेसेपा ङा दु़म।

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

गलाती 2:3

गोनुङ लक्‍पा तीतस ग्रीक मु़चु़ लोवो उमा कोक्‍ते खिरिरि क्रिप्‍सी दु़म्‍मु बासी र्‍वाक्‍साका सु़का वो मेर्‍वाक्‍मिवा।

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

गलाती 1:6

गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।

गलाती 1:18

सु थ चङडा गो पत्रुसलाई क्रो़म्‍डा यरूशलेम लङ्‌डो मा गुनुङ को-ङोलेम बाङ्‌डो।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,