गलाती 2:11 - थुलुङ राई

¹¹ पत्रुस एन्‍टिओखियाडा रोक्‍ताम थारीका गुका ख्‍लो़ड्‌डु़म ल्‍वाकु दुथाम उमा ङादोडाङा सो़उतो, हेङालोने गुका कोङनिम ल्‍वा ख्‍लो़ड्‌डु़म बाइडा।

गलाती 2:11 Referans Kwoze

१ तिमोथी 5:20

छु़ल बेपामबाट्‌पामिमलाई थो़रलु़पामिम खोत्‍लेकु ङादोडा भुरामी, मा आरे बोनामिमका वाङमिम वो ङिमी।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

गलाती 2:7

लावो माम्‍चु़नीका यहूदीमिमकाडा जो़पा-सेला थो़बेड्‌डा पत्रुसलाई थु़र्मीडिम होम्‍साकाङा वो वाङसामामिमगोडा जो़पा-सेला थो़बेट्‌पा खारी गोलाई वो ग्‍वाङ्‌डिमिम बु र्‍वाक्‍साका मेर्मिमका चम्‍डी।

गलाती 2:5

लावो जो़पा-सेलाकु आच्‍छाङाकाम सिजेम इनीमा लागि दु़म्‍नु़म बुनु़ र्‍वाक्‍साका मेर्मिमका र्‍वाम्‍डिम ल्‍वा कि-कि वो गुकु मेथो़कुवा।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

मत्ती 16:23

पत्रुसथो़ ख्‍लोम्‍सिम्‍डी, मा येशूका र्‍वाम्‍डी, “शैतानका बु़मिम होङङा बोमु डिडा। माम्‍चु़नीकु न होङङा बोमु गाना गोलाई भोम्‍मु माल्‍ङिमिम बु। हेङालोने माम्‍चु़नीका मिम्‍मिमिम होङङा गाना मेमिम्‍ना, मु़चु़का मिम्‍मिमिम होङङा मिम्‍ना।”

२ कोरिन्‍थी 11:5

त्वापङा डोक्‍पु दु़म्‍पा मे थु़र्मामिम लिसिक्‍पामिमडाम गो कि-किम वो याक्‍के मेबुङु।

थु़र्मा 11:19

स्‍तिफनस सेट्‌मिडिम चङडा थो़रलु़पामिमलाई छो़म दु़खा ग्‍वाम्‍डिमिमका थो़रलु़पामिम बान्‍तेमेनो फोन्‍सिम्‍डी। मेकोतिलो मेर्मिमगोडाम याङ-याङ हापा होनोवाम फोनिके, साइप्रस टापु नुङ एन्‍टिओखिया शहरबाडे लम्‍डिमा यहूदीमिमलाई कोङङा जो़पा-सेला थो़बेट्‌मिडी।

यूहन्‍ना 1:42

मेकोतिमा अन्‍द्रियासका सिमोनलाई येशू क्रो़म्‍बेड्‌डा रेड्‌डु़। येशूका सिमोनलाई किकिर्या रेप्‍मिडिमा र्‍वाम्‍डी, “यूहन्‍नाकु तारापाचो़, इमा नङ सिमोन, लावो इमा नङ केफास (केफास र्‍वाक्‍मा पत्रुस) दु़म।”

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 11:22

ओराम ल्‍वा यरूशलेमडाम मण्‍डलीका थो़म्‍डी, मा मेर्मिमका बारनाबासलाई एन्‍टिओखिया शहरडा थु़र्मिडी।

थु़र्मा 11:27

मेराम थारीका माम्‍चु़नीलाम-जेपामिम कोले नले यरूशलेमलामका एन्‍टिओखिया शहरयु़ योम्‍डी।

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

गलाती 1:18

सु थ चङडा गो पत्रुसलाई क्रो़म्‍डा यरूशलेम लङ्‌डो मा गुनुङ को-ङोलेम बाङ्‌डो।