गलाती 1:7 - थुलुङ राई7 लावो मेराम ने आच्छाङाकाम जो़पा-सेला मेएँ। कोङनिम मु़चु़का गानीलाई ब्लो़प्साका येशू ख्रीष्टलाममिम जो़पा-सेला कोर्थो़ हेर्मु माल्तोङा लेन्मिमिमका गो ओराम ल्वा र्वाक्तोङा बेउ। Gade chapit la |
गलाती 1:7
38 Referans Kwoze
लावो मसीहका मे हादीबारा नुङ माम्चु़नीलाम जेपा लिसिक्पालाई उनी ल्वाड्डा बेम्डी। मे माम्चु़नीलाम जेपा लिसिक्पाका हेल्लो वो मेल्वाम्मा छेखोपमिम मे हादीबाराकु ङादोडा रेम्बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्धक वाक्तोङा बेपा छो़म डोक्पु मुकु भुल्मु गोयु़ गुमीका छाघ्रोम्डिची।
इमा खारीमिम, आमा लागि बेत्तोङा बोनामिम ब्राम्दु़ल्वा मा मेर्वाक्साका थो़मतेर्सी इम्थानामिम गो चक्पु। रु़चो़ मु़चु़मिमकु लिमा सीसि गाना इम्मु मेचाम्ना। येशूकु थु़र्मा मु़चु़ र्वाक्पामिमलाई गाना छाम्मु डु़म्नामी, मेर्मिम आच्छाङा मेएँ मा मेर्मिम लिमाचो़ र्वाक्पा ल्वान्ना, मेराम गो चक्पु।
हेङालोने कोङनिम मु़चु़ उहेमका देन्दे ल्वामी र्वाक्साका माकेङा र्याक्मा बु मेर्मिम मु़चु़ लिबावा इनीमा थेतेगोडा हुम्डिम बु। मेर्मिम मु़चु़ माम्चु़नीकु लाम्दीडा लाममेदिपामिम सो़, मेर्मिमका माम्चु़नीकु दिदामलाई उनी नसीहोम बोमुथो़ हिम्डिम बु, मा इकीमा हप नुङ ङाचो़ येशू ख्रीष्ट र्वामु मेर्मिमका मेद्वामी।
लावो कोङनिम थो़रलु़पा लिसिक्पा वा-ल्वाकमिम आकीमा सामागोडा रोम्डिमा कोक्ते खिरिरि दु़म्मु बासी र्वाम्डी। हेङालोने गुकु येशू ख्रीष्टनुङ कोले दु़म्साका मोशाकु डु़म्ला होम्साका दोमु बासिक्पा ल्वाडाम वाङ दु़म्तोकोम बाइडा, मा मेर्मिमका गुकु वाङ दु़म्तोकोम ल्वाकु दुथाम गो-गो चो़पा बेसाका आथावो उनीमा यहूदी डु़म्लाकु डु़ल्चो़ होप्मामङा दु़म्बेन्मु माल्तिकिम बाइडा।
Piblisite