गलाती 1:6 - थुलुङ राई

⁶ गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।

गलाती 1:6 Referans Kwoze

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

१ कोरिन्थी 4:15

ख्रीष्‍टडा गानीलाई सीपा मु़चु़मिम ङार्मुङा मेझापा बुमी, लावो इनीमा पाप ने सेर्पा मेबुमी। गानीलाई जो़पा-सेला थो़बेसाका येशू ख्रीष्‍टडा गो इनीमा पाप दु़म्‍ङोडोम बु।

थु़र्मा 15:11

लावो मेर्मिम नुङ गुइ ङाचो़ येशूकु दिदामका सेल्‍सिड्‌डिम बु र्‍वाक्‍साका गुइ थो़र लु़इडिम बु।”

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।

रोमी 10:3

हेङालोने माम्‍चु़नीलाम रोक्‍पा जो़पा नकु दुथाम मेथेसाका मेर्मिमका त्‍वाकु न-गो होम्‍साका जो़पा दु़म्‍मु माल्‍मी। मेम्‍साका मेर्मिम माम्‍चु़नीकु जो़पा न-गोडाम साखामगोडा मेदु़म्‍मिवा।

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

रेम्‍बेट्‌मिडिम ल्‍वा 22:21

ङाचो़ येशूकु दिदाम माम्‍चु़नीकु मु़चु़मिमनुङ दु़म्‍नु़। आमेन।

२ तिमोथी 2:1

आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

२ थेसलोनिकी 2:14

गुकु गानीलाई थो़बेत्तोकोम जो़पा-सेलालामका सेल्‍सिमु लागि माम्‍चु़नीका येट्‌निम बु। गानी वो इकीमा ङाचो़ येशू ख्रीष्‍टकु यु़म-झ्‍वाक्‍सीकाम दो़दो़वा डार्नी।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

यूहन्‍ना 9:30

मेराम मु़चु़का र्‍वाक्‍ता, “हेप्‍माम हेल्‍लो वो मेथो़म्‍मा ल्‍वा, गुमी बालामका रोम्‍डिम मेराम मेचनी, लावो गुमीका आमा मिक्‍सी होर्साङ्‌डिमी।

२ पत्रुस 1:3

गुमीलाई छेडिमिमलामका माम्‍चु़नीकु लाम्‍दीडा लाम्‍दिमु लागि चाहेबिइमिम खोत्‍ले ल्‍वा माम्‍चु़नीकु उनी यु़मका गुइलाई ग्‍वाक्‍साड्‌डामिम बु। उहेमका उनी त्‍वाकु यु़म-झ्‍वाक्‍सी नुङ जो़पा दु़म्‍सीलामका गुइलाई येसाड्‌डामी।

१ पत्रुस 1:15

लावो गानीलाई येट्‌पा माम्‍चु़नी सेपा बुमिमिम होप्‍माङा गानी वो खोत्‍ले इनी खारी बेसीडा मेजो़पा ल्‍वाडाम वाङ दु़म्‍नी।

मर्कूस 6:6

मेर्मिम थो़र मेलु़मिवामडाम येशू ङाङाया दु़म्‍मिडी। मेकोतिमा गुमी देलबाडे सीत्तोङा लम्‍डी।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

रोमी 8:30

गुमीका ङादोङा छेट्‌मिडिम मु़चु़मिमलाई वो येट्‌मिडी मा मेर्मिमलाई उनीमा ङादोडा जो़पा नगोकाम दु़म्‍बेट्‌मिडी। मेम्‍मा जो़पा न-गोकाम दु़म्‍पामिमलाई गुमीका यु़म-झ्‍वाक्‍सी ल्‍वापा वो दु़म्‍बेट्‌मिडी।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

गलाती 1:7

लावो मेराम ने आच्‍छाङाकाम जो़पा-सेला मेएँ। कोङनिम मु़चु़का गानीलाई ब्‍लो़प्‍साका येशू ख्रीष्‍टलाममिम जो़पा-सेला कोर्थो़ हेर्मु माल्‍तोङा लेन्‍मिमिमका गो ओराम ल्‍वा र्‍वाक्‍तोङा बेउ।

गलाती 1:11

वा-ल्‍वाकनी, गानी ओराम ल्‍वा चन्‍जो़ल्‍नी र्‍वाक्‍पा न बेउ, गो दो़उतोम जो़पा-सेला मु़चु़मिमलाम रोक्‍पा सेला मेएँ।

गलाती 1:15

लावो गो गमु ङादोङा गोलाई वाङ बेपा मा उनीमा दिदामलाम गोलाई येट्‌पा माम्‍चु़नीका,

गलाती 2:2

माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

गलाती 2:5

लावो जो़पा-सेलाकु आच्‍छाङाकाम सिजेम इनीमा लागि दु़म्‍नु़म बुनु़ र्‍वाक्‍साका मेर्मिमका र्‍वाम्‍डिम ल्‍वा कि-कि वो गुकु मेथो़कुवा।

गलाती 2:7

लावो माम्‍चु़नीका यहूदीमिमकाडा जो़पा-सेला थो़बेड्‌डा पत्रुसलाई थु़र्मीडिम होम्‍साकाङा वो वाङसामामिमगोडा जो़पा-सेला थो़बेट्‌पा खारी गोलाई वो ग्‍वाङ्‌डिमिम बु र्‍वाक्‍साका मेर्मिमका चम्‍डी।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

गलाती 5:14

मोशाकु खोत्‍ले डु़म्‍लाका र्‍वाक्‍ताम ल्‍वा कोले ल्‍वाडा रोक्‍थिड्‌डाम बु, “इनी त्‍वापलाई होङङा इनीमा साउखोरेलाई रिखाम बेनी”