गलाती 1:22 - थुलुङ राई

²² मेम्‍लोसम्‍म यहूदियाडाम ख्रीष्‍टकु मण्‍डलीमिमका हेल्‍लो वो गोलाई क्रो़म्‍ङिडिमिम मेबायावा।

गलाती 1:22 Referans Kwoze

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

रोमी 16:7

एन्‍ड्रोनिकस नुङ यूनियस र्‍वाक्‍मा आमा त्‍वाकु मु़चु़चिप मा गोनुङङा चसिक्‍पा यहूदी ङोप्‍सो़मिमलाई आमा सेव र्‍वाङ्‍साङ्‍नी। थु़र्मामिमगोडा मेर्मिमकु नङ हापा दोस्‍ताम बाइडा। मेम्‍मा गो थो़रलु़मु हापा ङादोङा मेर्मिमका ख्रीष्‍टडा थो़र लु़म्‍डिम बाइडा।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

रोमी 16:3

गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।

रोमी 16:9

गोनुङ कोयोङा ख्रीष्‍टकु खारी बेपा उर्बानस नुङ द्‍वादीबुङ ङोप्‍सो़ स्‍ताखुसलाई सेव र्‍वाङ्‌साङनी।

रोमी 16:10

ख्रीष्‍टकु खारीडा थो़रलु़इमिम अपोल्‍लोसलाई सेव र्‍वाङसाङ्‍नी। अरिस्‍तोबुलसकु नेमडाममिमलाई वो सेव बु।

१ कोरिन्थी 7:17

माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।