21 मेकोतिमा गो सिरिया नुङ किलिकिया इलाकाथो़ लङ्डो।
मण्डलीडाम मु़चु़मिमलाई उनी सो हन्बेसाक्तो पावल सिरिया नुङ किलिकियाबाडे लस्ता।
ओराम चम्डिमा थो़रलु़पामिमका शाऊललाई कैसरियाडा रेट्मिडी, मा गुलाई मेलामका टार्सस शहरडा थु़र्सोम्डी।
लावो याङ-याङ ने स्तिफनसकु कोर्थो़लाम बमु चो़म्मिडी। मेर्मिम फ्वाक्मा डु़ल्चो़मिमकु सामा घ्रो़म्दीनेमडाम मु़चु़मिम, मा कुरेनी, अलेक्जेन्ड्रिया, किलिकिया नुङ एशियाडाम खोत्ले मु़चु़मिम बाम्डी।
मेकोतिमा मेर्मिमका मे ब्ललेमिमकु ल्वाडा ओराम सेलाखाजेम थु़र्सोम्डी: “एन्टिओखिया, सिरिया नुङ किलिकियाडा बाट्पा वाङसामा थो़रलु़पामिमलाई थु़र्मामिम नुङ एल्डरमिमकाम सेव!
एन्टिओखियाडाम मण्डलीडा कोङनिम माम्चु़नीलाम-जेपामिम नुङ सीपा मु़चु़मिम बाम्डी। मेर्मिम, बारनाबास, केकेम र्वाक्मा शिमियोन, कुरेनीडाम लुकियस, हेरोद हपकु ल्वाक बनेबेम्डिमा डु़ल्मिडिम मनेन नुङ शाऊल बाम्डी।
गुका सेलाखाजेम डाड्डु़मा पावल उहेम जिल्लाडाम र्वाक्साका हिलाबु़डु़। गु किलिकियाडाम र्वाक्पा थो़स्तु़मा गुका र्वाक्ता,
पावलका र्वाक्ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्लामिम गो चङको-चङको दु़म्साका सीसिङ्डो, मा ओराम शहरडा बर्ङोडो। आनेप गानी माम्चु़नीडा हाङको इनीमा सो हन्पा बुनी, मेकोतिङा आमा वो सो हन्पा बाइडा।
पावलका र्वाक्ता, “गो किलिकियाकु डोक्पु शहर टार्ससडाम नागरिक यहूदी सो़। गो गानीनुङ र्वाङु, ओर्मिम मु़चु़मिमनुङ कोले-नले ल्वा जेमु ग्वाङ्नी।”
साइप्रस टापु फार्डा रोक्फात्तोकोमा मेरामकु रायलालाम दु़म्साका सिरियालामका टुरोस शहरडा लुक्तोको। हेङालोने डोक्पु कुबी-बोक्साडाम मोमसोजाम मेसिन्डा पार्जो़ल्मु बासिक्पा बाइडा।
मेकोतिमा पावल कोरिन्थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्र्वासिड्डामा अकिलास, प्रिस्किलानुङ गु डोक्पु कुबी-बोक्साडा हुङडामा सिरियाथो़ लस्ता। लावो लमु ङादो पावलका माम्चु़नीनुङ कोङनिम ल्वाडा याचे जेस्ताम बाइडा, मेम्मिमका गुका किंक्रियाडा उ सेम खुर्रु़।
उनी खारीकु दुथाममिम ल्वामिम होनोवा बाट्पा सिरिया क्षेत्रडा वो थो़म्डी। मेम्मा नो़पामिम खोत्लेलाई मु़चु़मिमका येशूकाडा रेट्मिडी। मुनाङपेलका हुपा, धामुलामका बेट्पा, मा ल्वा-खेल सोक्पा, हेप्माम नो़पा सोमोरीनुङमा लोवो खोत्लेलाई येशूका सबेट्मिडी।
