गलाती 1:15 - थुलुङ राई

¹⁵ लावो गो गमु ङादोङा गोलाई वाङ बेपा मा उनीमा दिदामलाम गोलाई येट्‌पा माम्‍चु़नीका,

गलाती 1:15 Referans Kwoze

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

एफिसी 1:5

भ्रसिक्‍साका उनीमा न होम्साका येशू ख्रीष्‍टलाम गुइ उनी त्‍वाकु चो़मिम दु़म्सिनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

१ कोरिन्थी 1:9

माम्‍चु़नी थो़र लु़इमिम बुमी। गुमीका उनीमा तारापाचो़ येशू ख्रीष्‍ट इकी ङाचो़नुङ हेमकेम दु़म्‍मु लागि गानीलाई येट्‌निमी।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

रोमी 8:30

गुमीका ङादोङा छेट्‌मिडिम मु़चु़मिमलाई वो येट्‌मिडी मा मेर्मिमलाई उनीमा ङादोडा जो़पा नगोकाम दु़म्‍बेट्‌मिडी। मेम्‍मा जो़पा न-गोकाम दु़म्‍पामिमलाई गुमीका यु़म-झ्‍वाक्‍सी ल्‍वापा वो दु़म्‍बेट्‌मिडी।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

मत्ती 11:26

आरे बोमुङा गानी जो़पा लु़न्‍नी, पाआ।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

एफिसी 3:11

सु़म्‍दि प्रङमु ङादोङा गुमीका ओराम मुलु़ बेम्‍डिम बाइडा, मा उनीमा मुलु़ होङङा ओम्‍लो इकीमा ङाचो़ येशू ख्रीष्‍ट थु़र्साका बेम्‍सोम्‍डी।

एफिसी 1:9

माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

गलाती 1:6

गो ने ङाङाया दु़म्ङोडोम बु, हेङालोने येशू ख्रीष्‍टकु दिदामगोडा येट्‌पा माम्चु़नीलाई ओकोति दाला डिसाका वाङमी जो़पा-सेलाथो़ लक्‍तोङा लेनी।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

१ कोरिन्थी 1:24

लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।

१ कोरिन्थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टका उनीमा थु़र्मा मु़चु़ दु़म्‍मु छेट्‌ङिडिमिम गो पावल मा गोनुङ लाम्‍दिपा आकीमा ल्‍वाक सोस्‍थेनेसलामका सो़।

लूका 10:21

मेराम थारीकाङा येशूलाई माम्‍चु़नी-पेलका गेर्सिबेट्‌मिडी, मा गुमीका र्‍वाम्‍डी, “माम्‍चु़नी, गानी सुबु नुङ पाह्रीकाम ङाचो़, गो गानीलाई आलासो़ ग्‍वानिनी, हेङालोने थेट्‌पा मु़चु़ नुङ नेप्‍चीनुङमामिमडाम थक्‍निम ल्‍वा चो़च्‍चो़ होप्‍माम मु़चु़मिमलाई रेम्‍बेट्‌नी। गानी आरे बोमु ङा जो़पा लु़न्‍नी माम्‍चु़नी।

रोमी 9:24

गुमीका येसाड्‍डामिम ने गुइ ङा सो़। गुमीका यहूदीमिमलाई कोङङा मेयेट्‌मिवा लावो वाङसामागोडाम मु़चु़मिमलाई वो येट्‌मिडी।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।