एफिसी 6:24 - थुलुङ राई

²⁴ इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

एफिसी 6:24 Referans Kwoze

मत्ती 22:37

येशूका मेरामलाई र्‍वाम्‍डी, “‘इमा मिप्रङमा माम्‍चु़नीलाई खोत्‍ले इमा न-गोका, खोत्‍ले इमा सामका, खोत्‍ले इमा नका रिखाम बे।’

२ कोरिन्‍थी 8:12

इनीमा छो़म ग्‍वा-ग्‍वाद्‌वाक्‍पा न बु माला गानीनुङ हाम बु मेरामङा ग्‍वानिलो माम्‍चु़नी गेर्सी द्‌वामी। मु़चु़नुङ मेबाट्‌पा ने ग्‍वामु र्‍वाक्‍पा गुमीका न मेबोमी।

तीतस 3:15

गोनुङ बाट्‌पा खोत्‍लेका गानालाई सेव र्‍वाम्‍डिम बु। गुइलाई रिखाम बेपा थो़रलु़पामिमलाई सेव र्‍वाङसाक्‍ङी। माम्‍चु़नीकु दिदाम गानी खोत्‍लेनुङ दु़म्‍नु़।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

२ तिमोथी 4:22

माम्‍चु़नी गानानुङ दु़म्‍मिनु़। उनीमा दिदाम गानानुङ दु़म्‍नु़।

२ कोरिन्‍थी 13:14

ङाचो़ येशू ख्रीष्‍टकु दिदाम, माम्‍चु़नीकु रिखाम नुङ माम्‍चु़नी-पेलकु सामा घ्रो़म्‍सी गानी खोत्‍लेनुङ दु़म्‍नु़।

२ कोरिन्‍थी 8:8

गानी बोमुङा बासी र्‍वाक्‍साका गो र्‍वाङडोम मेएँ, लावो वाङमिमकाम ख्‍लो़पा सो-हन्‍सीनुङ थो़प्‍साका इनीमा रिखाम वो आच्‍छाङा डे मेएँ र्‍वाक्‍साका रेम्‍मु लागि गो आरे र्‍वाङडोम सो़।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

हिब्रू 13:25

माम्‍चु़नीकु दिदाम गानी खोत्‍लेनुङ दु़म्‍नु़।

कलस्‍सी 4:18

गो पावल, ओराम सेव आमा त्‍वाकु ल्‍वाकाङा र्‍याक्‍तोङा बेउ। गो चसिक्‍पा बुङु र्‍वाक्‍पा मिम्साका सो़म्‍दी बेनी। माम्‍चु़नीकु दिदाम गानीनुङ दु़म्‍नु़।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

एफिसी 6:23

माम्‍चु़नी पाप नुङ ङाचो़ येशू ख्रीष्‍टका गानी वा-ल्‍वाकमिमलाई न भ्रसी, रिखाम मा थो़र ग्‍वानिमिनु़।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।