22 गुकु हे हेप्माम बुकु र्वाक्पा गानी थो़नी मा इनीमा सो हन्नु़ र्वाक्साका गुलाई इनीमाडा थु़र्तोम बु।
लावो इपाफ्रोडिटस आमा ल्वाकलाई इनीमाडाङा थु़र्मु बासिक्पा लु़ङु। गु गोनुङ खारी बेपा मा आमालाम बासिक्साका जो़पा-सेला थो़बेन्मुडा क्वाल्बा बेपा सिपाही सो़, गु इनीमा सेलाचो़ मा आमा खेरेलाडा गोलाई रेम्मु लागि गानी थु़र्निम।
इकी सो हन्बेट्पा माम्चु़नीका खोत्ले इनी जो़पा खारी बेसीडा नुङ जेसीडा सो हन्बेन्सानिमिनु़, मा ख्लो़निमिनु़ र्वाक्साका सो़म्दी बोकु।
लावो आकी ल्वाक तिमोथीलाई इनीमाडा थु़र्तोको। गु माम्चु़नीकु डु़ल्चो़ दु़म्साका खारी बेपा नुङ ख्रीष्टकु दुथाम जो़पा-सेला गुकुनुङ थो़बेट्पा मु़चु़ सो़। गानी माम्चु़नीडा छो़म थो़रलु़पा दु़म्मु गुका ख्लो़नी मा इनी सो हन्बेन्सानी र्वाक्पा आकी न बु।
इनीमा सो हन्नु़ मा रिखाम बेबोमुडा कोले दु़म्नी र्वाक्साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्छाङाकाम सिजेम जो़होमका थेसिथेट्निम बु। मेम्मा माम्चु़नीकु थक्मा ल्वा ख्रीष्टकु दुथाम आच्छाङाका थेसिथेनिनु़ र्वाक्पा आमा न बु।
ङाचो़ येशूका न बेम्डी माला दालाङा गो तिमोथीलाई इनीमाडा थु़रु र्वाक्पा आमा न बु, मेम्साका इनीमा दुथाममिम सेला थो़उमा गो गेर्सी द्वाङु।
तुखिकसलाई गो एफिसस शहरडा थु़र्तोम बु।