एफिसी 6:21 - थुलुङ राई

²¹ इकीमा छो़म द्‌वादीबुङ ल्‍वाक मा ङाचो़कु थो़रलु़इमिम डु़ल्‍चो़ तुखिकसकाङा गो हेप्‍माम बुङु मा हाम बेत्तो बेउ र्‍वाक्‍पा खोत्‍ले गानीनुङ सो़यु़।

एफिसी 6:21 Referans Kwoze

थु़र्मा 20:4

मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्‍पा अरिस्‍तार्खस, सिकन्‍दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्‍डी।

२ तिमोथी 4:12

तुखिकसलाई गो एफिसस शहरडा थु़र्तोम बु।

तीतस 3:12

अर्तिमास लोवो तुखिकस लोवो इमाडा थु़र्मु र्‍वाक्‍तोङा लेट्‌पु। मेर्चिप गोडा कोले इमाडा रोफालो नेकोपोलिस शहरडा गाना इमा चाप्‍सी दाला गोलाई क्रो़म्‍ङी। हेङालोने जुनेमका गो मेसिन्‍डाङा बुमु मुलु़ बेउतोम बु।

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

फिलेमोन 1:16

लावो डु़ल्‍चो़ होङङा मेएँ, ओनेसिमस ने डु़ल्‍चो़डाम वो डोक्‍पु सो़। गु आमा लागि द्‌वादीबुङ ल्‍वाक, लावो इमा लागि ने मेरामडाम हापा, हेङालोने ङाचो़ येशूडा मेराम कोङ मु़चु़ नुङ थो़रलु़पा ल्‍वाक होङङा सो़।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

कलस्‍सी 1:7

गानी माम्‍चु़नीकु दिदामकु जो़पा-सेला आकीमा द्‌वादीबुङ ङोप्‍सो़ इपाफ्रासलामका थो़न्‍नी। गुकु होङङा गु वो ख्रीष्‍टकु खारी बेपाङा सो़। गु आकीमालाममिम थो़र लु़इमिम ख्रीष्‍टकु खारीचो़ सो़।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

फिलिप्‍पी 1:12

वा-ल्‍वाकनी, गानीलाई ओराम ल्‍वा चबेन्‍मु आमा न बु, गोडला हाम दु़स्‍ताम बु मेरामका आच्‍छाङा जो़पा-सेला बर्बेट्‌पा खारी बु़डु़।