एफिसी 6:18 - थुलुङ राई

¹⁸ हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

एफिसी 6:18 Referans Kwoze

१ थेसलोनिकी 5:17

हेल्‍लो लोवो सो़म्‍दी बेनिम बानी।

कलस्‍सी 4:2

चङचङया बासाका नुङ माम्‍चु़नीडला आला-तोमानुङमा दु़म्‍साका सो़म्‍दी बेनिमङा बानी।

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

१ तिमोथी 2:1

खोत्‍ले मु़चु़काम लागि सो़म्‍दी बेनी र्‍वाक्‍साका ङादो गो इमा सो हन्‍बेट्‌पु, मेर्मिमका हाम चाहेबोमी मेराम गानी माम्‍चु़नीनुङ बिनी, मा गुमीलाई आलासो़ ग्‍वाक्‍नी,

यहूदा 1:20

लावो द्‌वादीबुङ ङोप्‍सो़नी, छो़म सेपा इनी थो़रलु़सीडा बर्तो लक्‍नी, मा माम्‍चु़नी-पेलडा सो़म्‍दी बेनी।

मर्कूस 14:38

मेअम्‍साका बानी मा सो़म्‍दी बेनी, गानी न छाम्‍ला मेसो़सिट्‌नी। नका ने बोमु मालु़, लावो मिरो़म ङा मेचापा बु।”

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

मत्ती 26:41

चङचङया बानी, मा मेजो़पा ल्‍वाका इनीमा न मेछाम्‍सिनु़ र्‍वाक्‍साका सो़म्‍दी बेनी। आच्‍छाङा इनीमा न-गोका ने बोमु मालु़, लावो मिरो़मङा मेचापा बु।”

एफिसी 1:16

गानीलाई आमा सो़म्‍दीडा मिम्‍तो इनीमा लागि आलासो़ ग्‍वामु डित्तोम मिबु।

रोमी 12:12

गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

मर्कूस 13:33

गो र्‍वाङुमिम जो़होमका थो़नी, मा चङचङया बानी वो! हेङालोने मेराम थारी हाम्‍सिका रोफा र्‍वाक्‍पा गानी मेचनी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

थु़र्मा 1:14

येशूकु माम मरियम, येशूकु ल्‍वाकमिम नुङ वाङमी मेसेममिम खोत्‍ले कोले नकाम दु़म्‍साका हेल्‍लो लोवो सो़म्‍दी बेम्‍थाल्‍मिडी।

लूका 22:46

गुमीका मेर्मिमलाई हिलाबेम्‍डी, “गानी हेङा अम्‍ल्‍यानिमिम? बक्‍नी, मा गानीडला मेजो़पा ल्‍वाका इनी न मेछाम्‍सिनु़ र्‍वाक्‍साका सो़म्‍दी बेनी।”

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

२ तिमोथी 1:3

हेल्‍लो लोवो गो गानालाई सो़म्‍दीडा मिम्‍निलो माम्‍चु़नीलाई आलासो़ ग्‍वाक्‍पुमी। आमा ङाउ-खुउमिमका बेम्‍डिम होम्‍साका गो उनीमा जो़पा नेप्‍चीका लाले-पाङके बेउ।

फिलिप्‍पी 1:4

गानी खोत्‍लेकाम लागि खोत्‍ले आमा सो़म्‍दीमिमडा गो हेल्‍लो लोवो भ्रसिक्‍तो सो़म्‍दी बेउ,

एफिसी 6:19

मेकोतिमा गो जेमु खापुलो माम्‍चु़नीका उनीमा सिजेम ग्‍वाङिमिनु़, मा ङादो सु़का वो मेचक्‍मिवाम जो़पा-सेला वाङमिलाई मेङिसाका थेसीथेन्‍बेन्‍मु चापुनु़ र्‍वाक्‍साका आमा लागि सो़म्‍दी बेनी।

थु़र्मा 12:5

पत्रुस झ्‍यालखानडा चम्‍डिलो मण्‍डलीका उमा लागि माम्‍चु़नीनुङ छो़म सो़म्‍दी बेम्‍डिम बाम्‍डी।

फिलेमोन 1:5

हेङालोने ङाचो़ येशूडला बेन्‍नाम इमा थो़र नुङ माम्‍चु़नीकु मु़चु़मिमलाई बेत्तोङा लेनामिम रिखामकु दुथाम गो थो़उतोम बु।

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

थु़र्मा 6:4

मेकोतिमा गुकु ने सो़म्‍दी नुङ सिजेमकु लाले-पाङके ङा बोमुम बुमु बासी।”

एफिसी 3:18

मा गानी नुङ माम्‍चु़नीकु खोत्‍ले सेपा मु़चु़मिमका ख्रीष्‍टकु रिखाम हाङको भापा, हाङको धु़पा, हाङको येपा, हाङको घ्‍लु़म्‍पा मिम्मु मेझापा डोक्‍पु बु र्‍वाक्‍पा थेसिथेन्‍मु चाम्‍निनु़ र्‍वाक्‍साका गो सो़म्‍दी बेउ।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

एफिसी 2:22

गानी वो ख्रीष्‍टनुङ कोदेप दु़म्‍साका वाङमिम खोत्‍लेनुङ कोयोङा माम्‍चु़नी-पेललामका माम्‍चु़नी बाट्‍पा खोम दु़म्‍तो लक्‍नी।

लूका 3:37

लेमेख, मतूसेलहकु तारापाचो़, मतूसेलह, हनोककु तारापाचो़, हनोक, येरेदकु तारापाचो़, येरेद, महलालेलकु तारापाचो़, महलालेल, केनानकु तारापाचो़,

कलस्‍सी 1:4

हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

लूका 3:26

नग्‍गै, माथकु तारापाचो़, माथ, मत्ताथियसकु तारापाचो़, मत्ताथियस, सेमैनकु तारापाचो़, सेमैन, योसेखकु तारापाचो़, योसेख, योदाकु तारापाचो़,

कलस्‍सी 1:3

इनीमा लागि गुकु सो़म्‍दी बोकुलो इकीमा ङाचो़ येशू ख्रीष्‍टकु पाप माम्‍चु़नीलाई हेल्‍लो लोवो आलासो़ ग्‍वाकु।

मत्ती 17:21

[लावो उपास बासाका नुङ सो़म्‍दी बेसाका कोङङा आरेप्‍माम मुनाङ ने कोल्‍मु झाम।]”