एफिसी 6:13 - थुलुङ राई

¹³ मेम्‍मिमका माम्‍चु़नीका गानीलाई ग्‍वानिमिम खोत्‍ले क्‍वाल्‍बा बेखोप गिजो-वाजोमिम बिम्‍सिट्‌नी मा गानीडला मेजो़पा थारी रोलो क्‍वाल्‍बा बोमु चापा दु़म्‍नी मा क्‍वाल्‍बा हुमिम चङडा वो गानी सो नुङमा दु़म्साका येम्सिमु चापा दु़म्‍नी।

एफिसी 6:13 Referans Kwoze

२ कोरिन्‍थी 10:4

गुइ क्‍वाल्‍बा बिइमिम गिजो-वाजो ने सु़म्‍दिसेरडाम मु़चु़मिमका मोक्‍पा गिजो-वाजो मेएँ। गुइ मोक्‍थालिमिम माम्‍चु़नीकु यु़मनुङमा गिजो-वाजोका ने खिर्मा खोम वो छो़रो़प बु़। ओराम गिजो-वाजोका हाम ना हामकु रिबुसी ल्‍वा दाम्‍बेडु़।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

एफिसी 5:16

हेल्‍लो लोवो जो़पा खारी बोमु माल्‍नी, जो़पा खारी बेपा इनीमा थारी ब्‍लाम-ब्‍लाम मेबेनी। हेङालोने आथामबिलि हापा मु़चु़मिम मेजो़पा बेपाम बाट्‌पा बुमी।

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

रेम्‍बेट्‌मिडिम ल्‍वा 6:17

हेङालोने माम्‍चु़नी नुङ भेन्‍दाचो़काम छोक्‍चो रेम्‍बेपा डोक्‍पुनेम रोक्‍ताम बु मा ओराम ने सु़का इम्‍मु चाप्‍सु़ मा?”

रोमी 13:12

तुकुम्‍चिम हुक्‍तामा ओल रोमु खाप्‍डु़म बु। मेम्‍मिमका तुकुम्‍चिमगोडा बाट्‍पा मु़चु़मिमकाम होप्‍माम खारी बोमु डिसाका मेरामनुङ क्‍वाल्‍बा बोमु लागि ओलकु सेनामिम होङङा झो़म्‍सिडी।

याकूब 4:7

मेम्‍मिमका इनी त्‍वापलाई माम्‍चु़नीकु ल्‍वाडा जु़ल्‍नी। शैताननुङ क्‍वाल्‍बा बेप्‍डा बक्‍नी, मा मेराम गानीलामका स्‍वामा ल।

१ पत्रुस 4:1

मेम्‍मिमका ख्रीष्‍टका उनी मिरो़मडा दु़खा ल्‍वाम्‍डी, गानी वो गुमी होप्‍मामङा दु़खा इम्‍मु नडा झो़म्‍जो़ल्‍सिट्‌नी। हेङालोने उहेमका मिरो़मडा दु़खा ल्‍वास्‍तु़म बु मेरामका छु़ल बोमु डिड्‌डु़म बु।