एफिसी 6:12 - थुलुङ राई

¹² इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

एफिसी 6:12 Referans Kwoze

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

कलस्‍सी 2:15

मेम्‍मा येशू ख्रीष्‍ट क्रूसडला सिम्‍डिमलामका माम्‍चु़नीका साखाम नुङ यु़म बाट्‌पा खोत्‍ले पेलमिमडला घ्‍ल्‍वाम्‍डिमी। मेकोतिमा खोत्‍लेकु ल्‍वाहोमडा मेर्मिमकु क्रो़म फुल्‍साम्‍डी।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

एफिसी 1:21

माम्‍चु़नीका डोक्‍पुमिम, साखामनुङमामिम, यु़मनुङमामिम, किब्‍दी थो़पामिम, ओम्‍लोम थारीका कोङङा मेएँ लावो रोक्‍पा थारीकाम लागि वो वाङमिम नङकु खोत्‍लेडाम डला ने ख्रीष्‍टलाई जु़ल्‍मिडी।

रोमी 8:38

हेङालोने उहेम ल्‍वाका वो ख्रीष्‍टकु रिखामलामका गुइलाई वाङ बोमु मेचाप्‍सा र्‍वाक्‍पा गुइ चडिम बु। ना सिमुलामका ना त्‍वारो़मका ना पाह्रीचो़मिमका ना मुनाङपेलमिमका ना ओम्‍लोम नुङ दिफु दु़म्‍पा ल्‍वामिमका, ना कोङनिम यु़मका,

एफिसी 3:10

ओम्‍लोम थारीका मण्‍डलीलामका दामुला बाट्‍पा साखामचो़मिम नुङ हपमिमका माम्‍चु़नीकाम हापा खालकु नेप्‍ची बु रेछा र्‍वाक्‍पा चमिनु़ र्‍वाक्‍साका मेराम थक्‍मा ल्‍वा रेम्‍बेम्‍डी।

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

१ कोरिन्थी 15:50

वा-ल्‍वाक्‍नी, गो गानीलाई र्‍वाङु, सो़ नुङ सिसिकु मिरो़मका माम्‍चु़नीकु किब्‍दीकाम दो़दो़वा मेल्‍वासु़। मेम्साकाङा पुयु़लुक्‍पा मिरो़मका हेल्‍लो वो पुयु़ मेलुक्‍पा मिरो़मकु दो़दो़वा मेल्‍वासु़।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।

यूहन्‍ना 14:30

गानीनुङ जेमु थारी हापा गोनुङ मिबु, हेङालोने ओराम सु़म्‍दिसेरडाम साखामचो़ रोक्‍तोङा लेडु़। मेरामका गोलाई हाम वो बोमु ने मेचाम्‍ङी।

यूहन्‍ना 12:31

ओराम सु़म्‍दिसेरकु निया दु़म्‍पा थारी रोक्‍फाड्‌डाम बु। ओराम सु़म्‍दिसेरकु साखामचो़ शैतान पाखानो घ्रोला सो़सी।

यूहन्‍ना 16:11

मेम्‍मा निया दु़म्‍पाकु दुथाम सु़म्‍दिसेरका ख्‍लो़ड्‌डु़म बु, हेङालोने ओराम सु़म्‍दिसेरकु साखामचो़लाई देन्‍दे ग्‍वाक्‍पा मुलु़ दु़स्‍ल्‍याड्‌डाम बु।

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

लूका 13:24

“माम्‍चु़नीकु किब्‍दीगोडा हुपा कतिभापा लाम्‍चोकोलाम मेचाप्‍तो हुनी, हेङालोने हापा मु़चु़मिमका मेगोनो हुमु माल्‍मी, लावो हुमु मेचाम्‍मी।

२ तिमोथी 2:5

नियम होम्‍साका मेचाम्‍सी माला चाम्‍सिक्‍पा मु़चु़ उहेम वो घ्‍ल्‍वामु मेचाप्‍सु़।

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

हिब्रू 12:4

छु़लकु कोर्थो़लाममिम इनी क्‍वाल्‍बा बेसीडा गानी छु़ल भोमु लागि सेन्‍लाङा सो़सिक्‍पा थारीडा रोन्‍थिट्‌ल्‍याट्‌निम ने मिबु।

गलाती 1:16

वाङसामागोडा गोलाम जो़पा-सेला थो़बेन्‍मु लागि गुमीका उनीमा तारापाचो़ गेर्सी द्‍वाक्‍तो गोलाई रेम्‍बेम्‍डी। मेम्‍लो गो सु़नुङ वो हिलाहिसी मेबेउवा।

मर्कूस 4:19

लावो पोमु-डुमुकु मिम्‍ताम-सो़र्ताम, खाप्‍ची द्‌वाम, नुङ वाङमिम खोत्‍लेङा डार्पा न उनी नगोनो हुमा मेरामका सिजेम हुप्डु़, मेकोतिमा मेरामका मा फिमु मेग्‍वाकु़।

२ कोरिन्‍थी 11:14

ओराम इकीमा लागि ङाङाया दु़म्‍बेट्‌पा ल्‍वा मेएँ। शैतान वो ओलडाम पाह्रीचो़ होङङा लिम्‍सिमु चाप्‍सु़।