10 हुम-दडा, गानी ङाचो़कु डोक्पु यु़मका यु़मनुङमा दु़म्नी।
गो ख्रीष्टका ग्वाङडिमिम यु़मका ओराम खोत्ले ल्वा बोमु चापु।
चङचङया बानी, छो़म थो़रनुङमा दु़म्नी, डोक्पु थो़म्बोकनुङमा दु़म्नी मा छो़म सोनुङमा दु़म्नी।
खोत्ले दिदाम ग्वाक्पा माम्चु़नीका गानीलाई ख्रीष्टनुङ कोले दु़म्सीडा हेल्लो लोवो दु़म्पाम बाट्पा उनी यु़म-झ्वाक्सीकु दो़दो़वा ल्वामु येट्निम बु। घरिकोङ गानी दु़खा ल्वानिमिम चङडा गुमीका गानीलाई आथावो लाले दु़म्बेनी, थो़रलु़पाम बाट्पा दु़म्बेनी मा सोनुङमा दु़म्बेनी।
माम्चु़नीका गानी आनो मेनो मेदु़म्साका इम्सिक्साका बाट्पा दु़म्मु लागि उनीमा डोक्पु यु़मका गानीलाई सोनुङमा दु़म्बेनिमिनु़।
मा गुइ थो़र लु़पामिमकाम लागि उनीमा छो़म डोक्पु यु़म हाङको डोक्पु बु र्वाक्पा चनी र्वाङुमा वो सो़म्दी बेउ। ओराम डोक्पु यु़मलामका ङा,
उनीमा हेल्लो वो मेहुक्पा जि-वाका सासाका उनीमा पेललामका गानीलाई यु़म ग्वाक्साका इनीमा न-गो सोनुङमा दु़म्बेन्मिनु़ र्वाक्साका यु़मनुङमा माम्चु़नीनुङ सो़म्दी बेउ।
लावो वाङसामामिम खोत्लेका थो़मु चाम्मिनु़ र्वाक्साका येशू गोनुङ दु़म्मिडी, मा खोत्ले जो़पा-सेला थो़बेन्मु चापा यु़म ग्वाङ्डिमी। मेकोतिमा गो धेन्द्राकु सिगोडाम वाङ दु़म्मु ल्वाउतो।
आमा तारापाचो़ होप्माम तिमोथी, ख्रीष्ट येशूका ग्वाक्साड्डामिम दिदामका गाना यु़मनुङमा दु़प्सा।
हुम-दडा, वा-ल्वाकनी, जो़पा नुङ कोमुका घ्रेट्पा ल्वामिम इनीमा नडा मिम्नी। मेर्मिम ल्वा: आच्छाङाकाम, डोक्पु मिम्मुका घ्रेट्पा, माम्चु़नीकु मिक्सीलामडा जो़पा, सेपा, द्वादीबुङ, सो़मुका घ्रेट्पा।
हुम-दडा, वा-ल्वाकनी, ब्र्वासिडी। छो़म जो़पा दु़म्साका लाम्दिमु न बेनी। गो छो़म र्वाङुमिम ल्वा थो़नी, कोले नकाम दु़म्नी, भ्रसिसाका बानी। मेम्मा रिखाम बेपा मा न-भ्रसी ग्वाक्पा माम्चु़नी गानीनुङ दु़म्मी।
हुम-दडा, गानी खोत्ले कोले नकाम दु़म्साका बानी। कोलेका कोङमीकु दु़खाडा रेम्बेबेपा दु़म्नी, वा-ल्वाकलाई होङङा रिखाम बेबेनी, न-थो़मनुङमा दु़म्नी, मा याक्के दु़म्नी।
हुम-दडा, आमा वा-ल्वाकनी, ङाचो़ येशूडा गेर्सी द्वाक्नी। गो ङादो र्याक्तोम ल्वा आथावो गानीलाई र्यामु गो मेघ्रु़म्ङु, मा मेराम ल्वा ने गानीलाई बोपा-थार्पा सो़।
कोङनिम मु़चु़ जे माला माम्चु़नीकु सिजेम जेमिम होङङा मेरामका जेनु़। चापे-डुपे बु़ माला माम्चु़नीका ग्वामिमिम सोका बु़नु़। मेम्साका खोत्ले ल्वाडा येशू ख्रीष्टलामका माम्चु़नीकु नङ कोसिनु़। उनीमाङा हेल्लो लोवो यु़म नुङ यु़म झ्वानु़म बुनु़। आमेन।
ङावानी, गो गानीलाई ओराम र्याक्तोङा बेउ, हेङालोने खोत्ले प्रङ्सिमु ङादो आथामङा बाट्पा येशू ख्रीष्टलाई गानी छेनी। स्वालानी, गो गानीलाई ओराम र्याक्तोङा बेउ, हेङालोने गानी इनी न-गोडा सोनुङमा बुनी, मा माम्चु़नीकु सिजेम इनीमा नडा बु। मेम्मा शैतानडला गानी घ्ल्वान्निम बु।
