एफिसी 5:29 - थुलुङ राई

²⁹ उ त्‍वाका त्‍वापलाईङा मेद्‌वाक्‍पा मु़चु़ मेदु़म, लावो उ त्‍वाकु मिरो़मलाई पोमुडुमु ग्‍वाक्‍तो जो़होमनु़म बु़। मेम्‍साकाङा ख्रीष्‍टका वो उनी त्‍वाकु मण्डलीलाई जो़होमनु़म बोमी,

एफिसी 5:29 Referans Kwoze

एफिसी 5:31

माम्चु़नीकु सिजेमका आरे र्‍वा, “मेम्‍मिमका मु़चु़का उमा माम-पाप डिडु़, मा गु उमा नाइमेनुङ दु़साका बु, मा मेर्चिप कोले मिरो़म दु़म्‍ची।”

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

रोमी 1:31

मेर्मिम नेप्‍ची मान्‍थिम बुमी मा बेउ र्‍वामिमिम ल्‍वा मेबोमी, मेर्मिम ने खेमजु़र मेबाट्‍पा नुङ रु़प्‍चु़मो लोक्‍ल्‍याक्‍पामिम सो़।

मत्ती 6:26

चक्‍पुमिमलाई रेप्‍नी, मेर्मिमका मा-के मेख्‍लिमी, मा मेहिम्‍मी, छेदेनेमडा वो मेजु़ल्‍मी, लावो पाह्रीलाम माम्‍चु़नी इनी पापका मेर्मिमलाई पोमु-डुमु ग्‍वामी। माम्‍चु़नीकाम लागि हाम गानी मेर्मिमडाम वो हापा थिकाम मेबुनी मा?

एफिसी 5:28

मेम्‍साकाङा वोचु़मिमका वो त्‍वा-त्‍वाहोम नाइमेलाई त्‍वाकु मिरो़मलाई होम्‍साकाङा रिखाम बोमु बासी। त्‍वाकु नाइमेलाई रिखाम बेपाका त्‍वापलाई रिखाम बु़।

एफिसी 5:30

हेङालोने गुइ ख्रीष्‍टकु मिरो़मडाम अंगमिम सो़।