एफिसी 5:26 - थुलुङ राई

²⁶ गुमीका थो़रलु़पामिमलाई कुका सो़ल्‍साका नुङ सिजेमका छेको छेको बेसाका सेपा दु़म्‍बेन्‍मु,

एफिसी 5:26 Referans Kwoze

यूहन्‍ना 15:3

गो गानीलाई र्‍वाङ्‌डोम सिजेमका गानी बासीङा सेपा दु़म्‍मु दु़म्‍निम बु।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

एफिसी 6:17

माम्‍चु़नीका सेल्‍निमिम ल्‍वा इनी बुइ बोपा-थार्पा सेलकु खुचु़खुम खुन्‍सिनिमिम होम्‍साका खुतासिट्‌नी। माम्‍चु़नी पेलका ग्‍वानिमिम कातु़रु़ बिम्‍तासिट्‌नी। मेराम कातु़रु़ ने माम्‍चु़नीकु सिजेम सो़।

१ यूहन्‍ना 5:6

येशू ख्रीष्‍टका उनीमा कु-रु़दु़मका नुङ क्रूसडला सिसि हासाका मु़चु़ दु़म्‍साका रेम्‍बेम्‍डी। कुका कोङङा मेएँ, कुका नुङ सिसिका। मेम्‍मा ओराम आच्‍छाङा र्‍वाक्‍साका माम्‍चु़नी-पेलका गुइनुङ सो़मी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

हिब्रू 10:10

मेराम नका येशू ख्रीष्‍टकु मिरो़मकु सासेसीलामका आथा ने बोमु मेबासिक्‍पा बेसाका छु़ललाम गुइ सेपा दु़स्‍तिम बुइ।

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

यूहन्‍ना 17:7

गानी गोलाई ग्‍वाङ्‌डिनिम खोत्‍ले ल्‍वा गानीलामका रोक्‍ताम र्‍वाक्‍साका मेर्मिमका चम्डिम बु।

याकूब 1:18

गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।

यूहन्‍ना 15:8

गानी हापा मा सिन्‍बेसाका गानी आमा सीसिपा र्‍वाक्‍पा रेम्‍बेनी, मा मेरामका आमा पापकु यु़म झ्‍वा।

यूहन्‍ना 13:10

येशूका र्‍वाम्‍डी, “सो़ल्‍सिमु दु़म्‍पा खेलडाम वाङमिम हाम वो सो़ल्‍मु मेबासी, खोत्‍ले मिरो़म छेको-छेकोम बु। गानी छेको-छेकोम बुनी, लावो गानीगोडाम खोत्‍ले ने मेएँ।”

रोमी 10:8

लावो ओरामका हाम र्‍वा? “सिजेम इनीमा फार्डाङा बु, इनीमा सिड्‍डाङा मा इनीमा नगोडा बु।” थो़रकु दुथाम गुकु थो़बेन्‍कुमिम जो़पा-सेला ओराम ङा सो़।

२ कोरिन्‍थी 11:2

माम्‍चु़नीका इनीमा दुथाम हेल्‍लो लोवो मिम्‍ताम-सो़र्ताम बेन्‍निममिम होम्‍साका गो वो इनीमा दुथाम मिम्‍ताम-सो़र्ताम बेउ। सेपा लारेमा होप्‍माम गानीलाई कोलेङा लारेपा ख्रीष्‍टनुङ लालीकुन्‍दा बोन्‍सानिनी र्‍वाक्‍साका गो याचे जेङडोम बु।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

हिब्रू 10:14

हेङालोने छु़ललाम सेपा दु़म्‍पा मु़चु़मिमलाई कोले सासेसीका हेल्‍लो लोवो मेख्‍लो़ट्‌पा दु़म्‍बेट्‌मिडिम बु।

हिब्रू 10:29

मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

हिब्रू 13:12

मेम्‍मिमका येशू ख्रीष्‍टका वो उनीमा त्‍वाकु सिसिका मु़चु़मिमलाई सेपा दु़म्‍बेन्‍मु लागि शहरडाम पाखाडा लम्‍डिमा सिम्‍डी।

२ पत्रुस 1:9

लावो कोङनिमनुङ ओर्मिम ल्‍वा मिबु माला ने मेराम मु़चु़का जो़होमका ल्‍वामु मेचाप्‍सु़। मेराम मिक्‍सीका मेल्‍वापा सो़। ङादोम उ छु़लमिमडाम गुलाई छेको-छेको बेम्‍मा गुका प्‍ल्‍वास्‍तु़म बु।