एफिसी 5:21 - थुलुङ राई

²¹ ख्रीष्‍टलाई डोक्‍पु मिम्‍निमिमका इनी त्‍वापगोडा वो कोले कोङमीकु ल्‍वाडा बाट्‍पा दु़म्‍नी।

एफिसी 5:21 Referans Kwoze

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

एफिसी 5:24

गुइ मण्डलीडाम थो़रलु़पामिमका ख्रीष्‍टका र्‍वामिमिम थो़सिमिम होम्‍साकाङा मोचु़मिमका वो खोत्‍ले ल्‍वाडा त्‍वा-त्‍वाहोम वोचु़का र्‍वामिमिम थो़मिनु़।

एफिसी 5:22

गानी नाइमेनी, ङाचो़कु ल्‍वाडा बान्‍निम होम्‍साकाङा इनीमा वोचु़कु ल्‍वाडा बाट्‍पा दु़म्‍नी।

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”

हिब्रू 13:17

मण्‍डलीडाम ङाचो़मिमकु ल्‍वाडा बानी मा मेर्मिमका र्‍वामिमिम थो़नी। हेङालोने ङाचो़मिमका हेल्‍लो लोवो इनीमा त्‍वारो़म बोमी-थार्मी मा माम्‍चु़नीकु ङादोडा मेर्मिमका इनीमा खारीकु दुथाम सो़मी। मेर्मिमका ओराम खारी गेर्सी द्‌वाक्‍तो बोमिनु़, मेभ्रसिक्‍तो खारी बोमी माला ने मेरामलाम गानी हाम वो जो़पा ल्‍वा मेल्‍वानी।

१ पत्रुस 2:17

खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।

१ तिमोथी 3:4

त्‍वाकु नेमडाममिमलाई जो़होमका डु़ल्‍मु चापा, त्‍वाकु चो़च्‍चो़मिमलाई र्‍वाकिमिम थो़पा दु़म्‍बेन्‍मिनु़।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

१ तिमोथी 2:11

थो़रलु़पामिम घ्रो़म्‍पा थारीका मेसेममिमका छो़म याक्‍के दु़म्‍साका नुङ लिबा बात्तो सिम्‍सिमिनु़।

१ कोरिन्थी 16:16

गानी मेर्मिम मु़चु़मिमकु ल्‍वाड्‌डा बानी। मेर्मिम नुङ मेम्‍माम ङा ब्राम्दु़ल्वा बेपा वाङमिम मु़चु़मिमकु ल्‍वाडा वो बानी।

१ पत्रुस 2:13

ङाचो़काम लागि मु़चु़कु खोत्‍ले साखाम गोडा बानी, छो़म डोक्‍पु साखामनुङमा हप दु़म्‍नु़का

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।