एफिसी 5:20 - थुलुङ राई

²⁰ खोत्‍ले थोककाम लागि इकीमा ङाचो़ येशू ख्रीष्‍टकु नङडा माम्‍चु़नी पापलाई आलासो़ ग्‍वाक्‍नी।

एफिसी 5:20 Referans Kwoze

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

१ थेसलोनिकी 5:18

गानीडला हा-हाम दु़म, मेर्मिम खोत्‍लेकाम लागि माम्‍चु़नीलाई आलासो़ ग्‍वाक्‍नी। येशू ख्रीष्‍टकु मु़चु़ दु़म्‍साका गानी ओरामङा बेनिम बानी र्‍वाक्‍पा माम्‍चु़नीकु न बु।

हिब्रू 13:15

मेम्‍मिमका गुइ हेल्‍लो लोवो येशू ख्रीष्‍टलाम माम्‍चु़नीकु सो़रलोले बेसाका ग्‍वा-ग्‍वा ग्‍वाकिमी। ओराम ने उनीमा नङ कोक्‍पा सिका ग्‍वाकु़मिम ग्‍वा-ग्‍वा सो़।

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

एफिसी 5:4

क्रो़मलु़पा नाम्‍सु़रु़ ल्‍वा, नेप्‍ची मान्‍थिम ल्‍वामिम मा नाले डाट्‌पा ल्‍वामिम इनीमा सिलामका मेलुनु़, लावो माम्‍चु़नीलाई आलासो़ ग्‍वाक्‍पा दु़म्‍नी।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

२ थेसलोनिकी 2:13

माम्‍चु़नीका रिखाम बेपा वा-ल्‍वाकनी, इनीमा लागि माम्‍चु़नीलाई हेल्‍लो लोवो आलासो़ ग्‍वामुङा बासी। हेङालोने माम्‍चु़नी पेलका गानीलाई सेपा उनी मु़चु़ दु़म्‍बेट्‌निम नुङ आच्‍छाङाकाम ल्‍वाडा बेन्‍निम थो़रलाम माम्‍चु़नीका गानी खोत्‍लेडाम ङादो सेल्‍सिमु छेट्‌निम बु।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

१ कोरिन्थी 1:4

गानीलाई माम्‍चु़नीका ख्रीष्‍ट येशूडा उनी दिदाम ग्‍वाक्‍निमका गो हेल्‍लो लोवो गुमीलाई इनीमा लागि आलासो़ ग्‍वाक्‍पुमी।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

फिलिप्‍पी 1:3

हेल्‍लो लोवो गानीलाई मिम्‍निनिलो गो आमा माम्‍चु़नीलाई आलासो़ ग्‍वाक्‍पु।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

१ थेसलोनिकी 3:9

इकीमा माम्‍चु़नीकु ङादोडा गानी गेर्सी बेत्तिकिमिमकाम लागि माम्‍चु़नीलाई गुकु हाङको आलासो़ ग्‍वाकु लोवो मेलिडु़!

रोमी 1:8

खोत्‍लेडाम ङादो येशू ख्रीष्‍टलाम गानी खोत्‍लेकाम लागि गो माम्‍चु़नीलाई आलासो़ र्‍वाङु। हेङालोने येशू ख्रीष्‍टडाम इनीमा थो़रकु दुथाम सु़म्‍दिसेरडा खोत्‍लेथो़ थो़बेट्‍मा बु।

१ कोरिन्थी 15:24

मेम्‍मा हुक्‍पा थारी रो। मेकोतिलो ख्रीष्‍टका खोत्‍ले किब्दी थो़पा साखाम, खोत्‍ले साखाम मा खोत्‍ले यु़म पुयु़लुमिमा किब्‍दी माम्‍चु़नी पापकु ल्‍वाडा ग्‍वामी।