एफिसी 5:18 - थुलुङ राई

¹⁸ डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

एफिसी 5:18 Referans Kwoze

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

लूका 1:15

हेङालोने गु मिप्रङमाकु मिक्‍सीलामडा डोक्‍पु दु़म। गुका अङ्‍गूरकु ग्‍वाल नुङ डु़ हेल्‍लो वो मेडुङु़। उ मामकु ङेलगोनो बुलो आथामङा गु माम्‍चु़नी-पेलका लु़न्‍सिक्‍पा दु़म।

१ कोरिन्थी 5:11

लावो उहेमका उ त्‍वाप ख्रीष्‍टडा थो़रलु़पा र्‍वा मा वो नाम्‍सु़रु़ बु़, रारी बु़, ङाटा सेव साडु़, वाङमिमलाई डक्‍साका जे, छो़म डु़सेवा बु मा वाङमिमलाई रोडु़मी, मेप्‍माम मु़चु़नुङ कोदेप मेबानी र्‍वाक्‍साका र्‍याक्‍तोम बाइडा। पोमु-डुमुङा वो मेप्‍माम मु़चु़नुङ मेपेनी।

थु़र्मा 11:24

बारनाबास कोङ जो़पा मु़चु़ बाइडा। गु माम्‍चु़नी-पेलका लु़न्‍सिट्‌पा नुङ डोक्‍पु थो़रनुङमा मु़चु़ बाइडा, मा गुका सेर्पा मु़चु़मिमलाई माम्‍चु़नीडा रेड्‌डु़मी।

१ थेसलोनिकी 5:7

अम्‍पा मु़चु़मिम सिन्‍था अम्‍मी, डु़का सेट्‌पामिमलाई वो सिन्‍थाङा डु़का सेडु़मी।

लूका 12:45

लावो मेराम डु़ल्‍चो़का ‘आमा नेमहप दाला मेरोमी’ र्‍वाक्‍पा मिम्‍सीमा वाङमिम डु़ल्‍चो़-डु़ल्‍चो़मेमिमलाई याल्‍मु चो़म्‍डु़, पु़-डुङु़मा डु़का सेडु़ माला,

लूका 11:13

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

१ कोरिन्थी 6:10

खुचु़वामिम, रारी बेपामिम, डु़सेवामिम डक्‍साका जेपामिम वाङमिमलाई रोट्‌पामिमका माम्‍चु़नीकु किब्‍दी मेल्‍वामी।

तीतस 1:6

एल्‍डर मुमा बेन्‍ला मेसो़सिक्‍पा, कोलेङा नाइमे बाट्‌पा दु़म्‍मु बासी। मेरामकु चो़मिम थो़रलु़पा, उनी हाम बेबेद्‌वा मेराम मेबेपा, मा र्‍वाकिमिम थो़पा दु़म्‍मु बासी।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

१ कोरिन्थी 11:21

हेङालोने ग्रुला पोनिलो सु़लाई वो मेलसाका गानी इनी त्‍वाका रेनिमिम त्‍वा-त्‍वाहोम पोमुथोक पोनी, मेम्‍मा मेबाट्‍पामिम ने मान्‍जाङा दु़म्‍मी, मा याङ डु़का सेडु़मी।

मत्ती 23:25

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, कान्‍चु़रे नुङ थालकु डलामका ने क्‍लो़नी, लावो इनी गोलामका रारी नुङ त्‍वाकाम नकु कोकोक्‍सीका देम्‍पा दु़म।

मत्ती 24:49

मा उ त्‍वापनुङ खारी बेपा वाङमिम डु़ल्‍चो़मिमलाई यालु़, मा डु़सेवामिमनुङ पोमु-डुमु चो़म्‍डु़ माला,

यूहन्‍ना 2:10

मा र्‍वाक्‍ता, “खोत्‍ले मु़चु़मिमका ङादो भ्रपा अङ्‍गूरकु बिलाम थो़मी, मा बोच्‍चो़मिमका अङ्‍गूरकु बिलाम हापा डुमिमिम चङडा मेभ्रपा अङ्‍गूरकु बिलाम थो़मी। लावो गाना ने ओम्‍लोसम्‍म भ्रपाङा अङ्‍गूरकु बिलाम जु़ल्‍थाट्‌नाम रेछा।”