एफिसी 5:14 - थुलुङ राई

¹⁴ मेम्‍मा बान्‍ते ओल झ्‍वा, मेरामका खोत्‍ले ल्‍वा दो़बेडु़। मेम्‍मिमका आरे र्‍वाक्‍मा बु, “अम्‍चेट्‌पामिम ङोन्‍सिट्‌नी, मा सिमुलाम बग्‍गेट्‍नी, मा ख्रीष्‍टका उनीमा ओल गानीडला झ्‍वाबेन्‍मी।”

एफिसी 5:14 Referans Kwoze

१ थेसलोनिकी 5:6

मेम्‍मिमका वाङमिम मु़चु़ होङङा मेअम्‍सी, चङचङया बुइ, मा त्‍वापलाई जो़होमका जु़ल्‍पा दु़प्‍सी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

कलस्‍सी 3:1

माम्‍चु़नीका गानीलाई ख्रीष्‍टनुङ सिमुलाम बन्‍गेट्‌नीमा त्‍वारो़म ल्वानी माला पाह्रीलाम माम्‍चु़नीकु जो़पा ल्‍वा डार्पा न बेनी। मेड्‍डा ख्रीष्‍ट माम्‍चु़नीकु जो़पलाम गन्‍तसिट्‌मिमिम बु।

रोमी 6:13

त्‍वाकु मिरो़मडाम अंगमिमलाई मेजो़पा खारी बेबेसाका छु़लकु ल्‍वाड्‍डा मेग्‍वाक्‍नी। लावो सिमुलाम बक्‍साका त्‍वारो़म ल्‍वापा मु़चु़मिम होङङा इनीमा खोत्‍ले त्‍वारो़म माम्‍चु़नीडा जु़ल्‍नी मा त्‍वाकु अंगमिमलाई जो़पा खारी बोमु लागि गुमीलाई ग्‍वाक्‍नी।

यूहन्‍ना 9:5

गो सु़म्‍दिसेरडा बुङुमिमसम्‍म सु़म्‍दिसेरडाम मु़चु़मिमकु ओल सो़।”

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

एफिसी 2:5

गुइ छु़ल बिइडिमका सिप्‍ल्‍याक्‍पा बाइडी लोवो माम्‍चु़नीका ख्रीष्‍टलाई सिमुलाम फम्‍डिलो गुमीनुङङा गुइलाई वो नु़बेसाड्‌डामी। आरेसाका गुमीका न-थो़म रेम्‍बेम्‍डिमा गानी सेल्‍सिट्‌निम बु।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

२ तिमोथी 1:10

ओम्‍लो मेराम दिदाम गुइलाई सेल्‍पा ख्रीष्‍ट येशू योम्‍डिमलाम रेम्‍बेम्‍डिम बु। येशूका सिमुलाम घ्‍ल्‍वाम्‍डिमा जो़पा-सेलालामका हेल्‍लो वो मेसिपा त्‍वारो़म ल्‍वापा लाम्‍दी ओलडा रेम्‍बेम्‍डी।

२ तिमोथी 2:26

मा मेर्मिमकु न छ्‌यासी, मा शैतानकु पेरडाम लुमिमा स्‍वामी, उहेमका मेर्मिमलाई उमा न होम्‍साका दोमु बथाडु़मिम बु।

थु़र्मा 13:47

हेङालोने ङाचो़का गुचुकुनुङ आरे र्‍वाम्‍डिम बु: ‘गो गानालाई वाङसामामिमकाम लागि ओल होप्‍माम दु़म्‍बेट्‌निम बु। सुबुडाम खोत्‍ले मु़चु़लाई सेल्‍मु गाना माम्‍चु़नीलाम यु़म ल्‍वाना’।”

लूका 1:78

हेङालोने माम्‍चु़नीकु छो़म न-थो़मका पाह्रीलामका नेप्‍सुङकु ओल होप्‍माम ख्रीष्‍ट इकीमाडा योमी,

लूका 15:24

हेङालोने ओराम सिडाम होङङा लु़ङडोम बाइडा, लावो ओम्‍लो नु़डाम बु। दाम्‍स्‍ताम बाइडा लावो ओम्‍लो ख्‍लोस्‍तामा इकीमाडा रोक्‍ताम बु।’ मेकोतिमा मेर्मिमका ग्रुला पेम्‍डि-डुम्‍डिमा गेर्सिक्‍तो छो़म्‍मु चो़म्‍मिडी।

एफिसी 2:1

इनीमा छु़लका नुङ माम्‍चु़नीकु कोर्थो़लाम खारी बेन्‍निमका ङादोम थारीबिलि गानी सिप्‍ल्‍याक्‍पा बान्‍नी।