एफिसी 5:11 - थुलुङ राई

¹¹ हाम वो जो़पा मेदु़म्‍पा तुकुम्‍चिमकु खारी बेपा मु़चु़मिमनुङ मेलाम्‍दिनी, लावो मेराम खारी ने मेजो़पा र्‍वाक्‍साका मु़चु़मिमलाई रेम्‍बेपा दु़म्‍नी।

एफिसी 5:11 Referans Kwoze

रोमी 13:12

तुकुम्‍चिम हुक्‍तामा ओल रोमु खाप्‍डु़म बु। मेम्‍मिमका तुकुम्‍चिमगोडा बाट्‍पा मु़चु़मिमकाम होप्‍माम खारी बोमु डिसाका मेरामनुङ क्‍वाल्‍बा बोमु लागि ओलकु सेनामिम होङङा झो़म्‍सिडी।

१ तिमोथी 5:20

छु़ल बेपामबाट्‌पामिमलाई थो़रलु़पामिम खोत्‍लेकु ङादोडा भुरामी, मा आरे बोनामिमका वाङमिम वो ङिमी।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

रेम्‍बेट्‌मिडिम ल्‍वा 18:4

मेम्‍मा पाह्रीलामका आरे र्‍वाक्‍पा कोङमी लो़लाम थो़उतो, “आमा मु़चु़नी, मेराम शहरलाम लुक्‍नी, मेम्‍साका उमा छु़लडा गानी मेङोल्‍सिनी, मेम्‍साका मेरामडला रोक्‍पा सेट्‌पा दु़खा गानी मेल्‍वानी।

तीतस 2:15

ओर्मिम ल्‍वा र्‍वाक्‍साका थो़रलु़पामिमकु सो हन्‍बेसाडामी मा गानानुङ बाट्‌पा साखामका मेर्मिमका ख्‍लो़ट्‌मिडिम ल्‍वाडा भुरामी। मेम्‍साका गाना र्‍वानामिम ल्‍वा खोत्‍लेका थो़मिनु़।

२ थेसलोनिकी 3:14

ओराम सेलाखाजेमडा र्‍याक्‍तोकोम सिजेम कोङनिमका मेथो़सु़ माला मेराम मु़चु़लाई जो़होमका छेन्‍जो़ल्‍नी, मा मेरामलाई उ क्रो़म लु़नु़ र्‍वाक्‍साका मेरामडाम वाङ बानी।

रोमी 6:21

मेम बिलि बेन्‍निम खारीकु दुथाम ओम्‍लो इनी क्रो़म लु़, मेराम ल्‍वाका गानीलाई हाम जो़पा बु़डु़ मा? मेर्मिम खोत्‍ले घ्राम्‍लु़पा खारीका ने सिमुलाम रेडु़।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

गलाती 6:8

उहेम मु़चु़का छु़ल बेपा उमा त्‍वाकु बादु़खाम होम्‍साका मेजो़पा खारी बु़, गु मेराम बादु़खामका ङा पुयु़ ल। लावो उहेमका माम्‍चु़नी-पेललाममिम जो़पा खारी बु़, गुका माम्‍चु़नी-पेललाम ङा हेल्‍लो वो मेसिपा त्‍वारो़म ल्‍वासु़।

१ थेसलोनिकी 5:7

अम्‍पा मु़चु़मिम सिन्‍था अम्‍मी, डु़का सेट्‌पामिमलाई वो सिन्‍थाङा डु़का सेडु़मी।

लूका 3:19

लावो गालीलडाम साखामचो़ हेरोदका उमा ल्‍वाक देल्‍मी हेरोदियास रेड्‌डु़मका नुङ मेजो़पा खारीमिम बु़डु़मका यूहन्‍नाका गुलाई मु़चु़मिमकु ङादोडा भुर्डु़म बाइडा।

एफिसी 5:7

मेम्‍मिमका आरेप्‍माम मु़चु़का बोमिमिम खारीडा ल्‍वा मेफिक्‍नी।

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

मत्ती 18:15

“थो़रलु़पा इमा वा-ल्‍वाकका इमा कोर्थो़लाम छु़ल बु़डु़ माला लक्‍सामा गाची कोङङा बुचिलो गुका ख्‍लो़ड्‌डु़म ल्‍वा गुनुङ सो़या। गाना र्‍वाक्‍नाम ल्‍वा मेरामका थो़स्‍तु़ माला मेरामलाई थो़रलु़पा वा-ल्‍वाक दु़म्‍बेन्‍मु चाम्‍ना।

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

एफिसी 5:12

मेर्मिमका थसिक्‍साका बोमिमिम खारीकु दुथाम सो़मु वो क्रो़म लु़पा बु।

कलस्‍सी 1:12

भ्रसिक्‍साका पापलाई आलासो़ ग्‍वाक्‍नी। हेङालोने गुमीका ओलकु किब्दीडा उनीमा मु़चु़मिमका ल्वापा ल्वा गानीलाई वो ल्वामु घ्रेट्‍पा दु़म्बेट्‌निम बु।

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।