एफिसी 4:29 - थुलुङ राई

²⁹ वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

एफिसी 4:29 Referans Kwoze

कलस्‍सी 4:6

गानी मेर्मिमनुङ जेनिलो हेल्‍लो लोवो गेर्सीबेट्‌पा, नडा लक्‍पा इनीमा जेसी दु़म्‍नु़, मेम्‍साका खोत्‍ले मु़चु़मिमलाई हेसाका तुमु बासिक्‍पा मेराम गानी चक्‍नी।

१ थेसलोनिकी 5:11

मेम्‍मिमका गानी बेत्तोङा बोनिमिम होम्‍साकाङा इनीमा सो हन्‍बेबोमु नुङ माम्‍चु़नीडा हापा थो़रलु़मु लागि ख्‍लो़बेबेनी।

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

लूका 4:22

खोत्‍लेका उनीमा नङ कोम्‍डी, मा गुमीका जेम्‍डिम न-थो़मनुङमा सिजेम थो़म्‍डिमा ङाङाया दु़म्‍मिडी, मा मेर्मिमका र्‍वाम्‍डी, “हेसाका गुका आरे र्‍वामिम? गु ने योसेफकु चो़ मेएँ मा?”

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,

एफिसी 4:16

गुमीलामकाङा मिरो़मडाम खोत्‍ले अंगमिम गुमीडाङा दु़म्‍साका त्‍वाप-त्‍वापडा जो़होमका हाम्‍सिम्‍डिम बु। खोत्‍ले अंगमिमका त्‍वा-त्‍वाहोम खारी बोमिलो रिखामलामका सोनुङमा दु़म मा मिरो़म बर्तो ल।

एफिसी 4:12

माम्‍चु़नीकु न होम्‍साका खारी बोमु चाप्‍मिनु़ र्‍वाक्‍साका उनीमा त्‍वाकु मु़चु़मिमलाई झो़म्‍सिबेन्‍मु लागि आरेसाका बेम्‍डी, मा ओरामलामका ख्रीष्‍टकु मण्‍डली बर्तो ल।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

१ कोरिन्थी 14:19

लावो मण्‍डलीडा सामामिमकु ल्‍वाडा को सङसङ ल्‍वा जेमुडाम ने वाङमिमलाई सीमु थेसिथेडिमिम ङोले कोङङा ल्‍वा जेमु न बेउ।

रोमी 14:19

मेम्मिमका गुइ न-भ्रसी बेट्‍पा नुङ थो़रलु़पामिमका त्‍वाप-त्‍वापगोडा सो हन्‍बेट्‍पा ल्‍वाडा कोङङा न सोकी।

रोमी 15:2

इकीमा त्‍वाकु साउखोरेलाई जो़पा दु़म्‍नु़ मा मेर्मिमकु थो़रलु़सीडा सोनुङमा दु़म्‍मिनु़ र्‍वाक्‍साका गुइ खोत्‍लेका मेर्मिमलाई गेर्सिबेन्‍मुमि बासी।

यूहन्‍ना 1:37

गुका आरे र्‍वाक्‍ताम ल्‍वा मे सीसिपाचिपका थो़च्‍चिमा येशूकु चङचङ लक्‍ची।