एफिसी 4:22 - थुलुङ राई

²² मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

एफिसी 4:22 Referans Kwoze

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

हिब्रू 12:1

उनी थो़र रेम्‍बेपा आरेप्‍माम सेर्पा मु़चु़ इकीमा होनोलाम-आथो़लाम बुमी। मेम्‍मिमका गुइलाई भोपा खोत्‍ले ल्‍वा नुङ हाम वो लु़मेलेसाकाङा आम्‍पा छु़ल पार्तो गुइलाई रेम्‍बेट्‌मा ओन्‍सीथो़ हाम वो मेर्‍वाक्‍साका इम्‍तो ओन्‍डी।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

एफिसी 4:25

मेम्‍मिमका लिमा जेमु डिट्‌नी मा कोलेका कोङमीनुङ आच्‍छाङाकाम ल्‍वा जेनी, हेङालोने गुइ खोत्‍ले ख्रीष्‍टकु मिरो़मडाम अंगमिम सो़।

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

२ पत्रुस 2:13

मेर्मिमका मेजो़पा बेम्‍डिमका मेजो़पा बेला सो़म्‍सिमी। मेर्मिमका नेम्‍फुङा मेजो़पा खारी बेसाका गेर्सिमु द्‌वामी। मेर्मिम ने घ्राम्‍लु़पा नुङ मेजो़पामिम सो़, गानीनुङ ग्रुला पेप्‍डा गन्‍मिलो छो़म पोमी-डुमिमा गेर्सिप्‍मी।

१ पत्रुस 1:18

इनी बेप-पापलाम रोक्‍पा हाम ना हामकु ल्‍वाडाम सो़ना, मत्तो होप्‍माम म्‍वापामा लक्‍पाका गानीलाई भ्रेसाका फ्‍वाक्‍मा मेएँ र्‍वाक्‍पा गानी चनिमिम बु।

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

२ पत्रुस 2:7

माम्‍चु़नीका उनी न होप्‍माम लोतलाई फ्‍वाक्‍मिडी। डु़म्‍ला होम्‍साका मेदोपा मु़चु़मिमकु घ्राम्‍लु़पा बेसी-दोसीडाम गु उ न नो़पा बाइडा।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

रोमी 7:11

छु़लका डु़म्‍लागोडाम ल्‍वाकु खाप रेप्‍डु़मा गोलाई लु-फेले बु़डु़। आरेसाका गोलाई डु़म्‍लालाम सेट्‌ङिडी।

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

एफिसी 4:31

मेभ्रसिक्‍पा, गो-गो छोक्‍चो बेपा, छोक्‍चोका येत्तो फपा, क्‍वाल्‍बा बेपा, मु़चु़लाई डक्‍साका जेपा, वाङमिमलाई मेजो़पा बेपा खोत्‍ले बादु़खाम ङेट्‌नी।