एफिसी 4:2 - थुलुङ राई

² हेल्‍लो लोवो याक्‍के दु़म्‍पा, मेक्रोक्‍पा मा इम्‍साका कोलेका कोङमीलाई रिखाम बेबेनी।

एफिसी 4:2 Referans Kwoze

१ कोरिन्थी 13:7

रिखामका खोत्‍ले ल्‍वा इम्‍डु़, खोत्‍ले ल्‍वाडा थो़र लु़, हेल्‍लो लोवो जो़पा ल्‍वा दु़म र्‍वाक्‍पा लु़, खोत्‍ले ल्‍वाडा इम्‍सिसाका बुमु चापा दु़म।

रोमी 15:1

गुइ थो़रडा सोनुङमा दु़म्‍पाका त्‍वाप कोङङा गेर्सी द्‍वाक्‍पा न बेसी मेनु़, लावो याक्‍के थो़रनुङमा थो़रलु़पामिमनुङ इम्‍सिसाका बुमु बासी। वाङमिमकाम न होङङा बोमु बासी।

मत्ती 11:29

आमा जुवा बालामडला कुर्साका गोनुङ लाम्‍दिनी, मा गोनुङ सीन्‍सिट्‌नी। हेङालोने गो न-गोनुङमा नुङ न-थो़मनुङमा बुङु, मा गानी इनी नडा भ्रन्‍सिनी।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

१ पत्रुस 3:15

मेम मेदु़म्‍साका, ख्रीष्‍ट इनी ङाचो़ होङङा उनीमा सो़रलोले बेनी। गानी थो़र लु़निमिमकु दुथाम कोङनिमका हिलाहिसी बेम्‍डी माला मेर्मिमनुङ सो़मु लागि हेल्‍लो लोवो झो़म्‍जो़ल्‍सिट्‌नी। याक्‍के दु़म्‍साका नुङ माम्‍चु़नीकु ङिम जु़ल्‍साका आरे बेनी।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

गलाती 6:2

कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

थु़र्मा 20:19

यहूदीमिमका आमा दुथाम मेजो़पा मुलु़ बेम्‍डिम थारीका वो गो याक्‍के दु़म्‍साका ख्राप्‍तो माम्‍चु़नीकु खारी ङा बेउतोम बाङडो।

मर्कूस 9:19

येशूका मेर्मिमलाई र्‍वाम्‍डी, “ए थो़र मान्‍थिम मु़चु़नी! गो गानीनुङ हाङको बुङु मा? गो गानीलाई हाङको इम्‍मु? मेराम वोस्‍चो़लाई आसि फिट्‌नी।”

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

कलस्‍सी 1:11

माम्चु़नीका गानी आनो मेनो मेदु़म्साका इम्सिक्‍साका बाट्‌पा दु़म्मु लागि उनीमा डोक्‍पु यु़मका गानीलाई सोनुङमा दु़म्‍बेनिमिनु़।

१ पत्रुस 3:8

हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।