एफिसी 4:17 - थुलुङ राई

¹⁷ मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

एफिसी 4:17 Referans Kwoze

रोमी 1:21

मेर्मिमका माम्‍चु़नीलाई छेसाका वो गुमीलाई डोक्‍पु मेमिम्मिवा, ना आलाङा र्‍वाम्‍डी। मेम्‍मा मेर्मिमकु नेप्‍ची हाम ना हामकाम दु़स्‍ता मा मेर्मिमकु न-गो तुकुम्‍चिम होप्‍माम दु़स्‍ता।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

कलस्‍सी 2:4

उहेम मु़चु़का वो गानीलाई मेर्मिमकु लिमा सीसिमिमथो़ थो़र लु़बेन्‍मु लेम्‍मु मेचाम्‍निमिनु़ र्‍वाक्‍साका ओराम ल्‍वा गानीनुङ र्‍वाङुमिम। मेर्मिमकु सीसि थो़रलु़इमिम होप्‍माम ल्‍वासी लावो आच्‍छाङा मेएँ सो़।

१ पत्रुस 1:18

इनी बेप-पापलाम रोक्‍पा हाम ना हामकु ल्‍वाडाम सो़ना, मत्तो होप्‍माम म्‍वापामा लक्‍पाका गानीलाई भ्रेसाका फ्‍वाक्‍मा मेएँ र्‍वाक्‍पा गानी चनिमिम बु।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 18:5

सिलास नुङ तिमोथी माकेडोनियालामका रोक्‍फाट्‌ची, मा पावलका हेल्‍लो लोवो माम्‍चु़नीकु सिजेम कोङङा दो़स्‍तु़होम बाइडा। गुका यहूदीमिमलाई येशू ङा ख्रीष्‍ट र्‍वाक्‍पा सीड्‌डु़मी।

थु़र्मा 14:15

“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

१ तिमोथी 5:21

गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

कलस्‍सी 2:18

गुकु माम्चु़नीका रेम्बेम्डिम ल्वा ल्‍वात्तोकोम बु र्‍वाम्डिमा त्वापलाई याक्‍के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्‍पु लिसिक्‍पा बेपामिम बुमी। मेर्मिमकु लिमा थेसाका गानी ल्वामु बासिक्‍पा पुरस्‍कार मेदाम्सोक्‍नी। मेर्मिम ने हाम वो मेबाट्‌पा सु़म्दिसेरडाम ल्‍वा रेसाका त्वापलाई डोक्‍पु लिसिक्‍तो बुमी।

एफिसी 4:22

मेम्‍मिमका लु-फेले बेसाका मेजो़पा दु़स्‍ताम ङादोम इनीमा बासी-दोसी नुङ इनी लाम्‍दीसी छा पार्नी।

एफिसी 1:22

मेम्‍मा माम्‍चु़नीका ख्रीष्‍टकु साखामडा खोत्‍ले जु़ल्‍मिडी मा मण्‍डलीकाम लागि खोत्‍ले ल्‍वाडा गुमीलाई ङा बुइ बनेबेम्‍डी,

गलाती 5:3

कोक्‍ते खिरिरि क्रिपामिमलाई गो आथावो र्‍वाङु, खिरिरि क्रिपामिमका मोशाकु खोत्‍ले डु़म्‍ला होम्‍साका दोमुङा बासी।

गलाती 3:17

गो र्‍वामु माल्‍तोम ल्‍वा ओरामङा सो़, ङादोङा माम्‍चु़नीका सो़रख्रेप्‍मिडिम ल्‍वा ब्‍लसङ सु धु़म थ चङडा रोक्‍पा डु़म्‍लाका क्रिम्‍मु मेचाप्‍सु़। मेएँ माला ने माम्‍चु़नीका याचे जेम्‍डिम हाम ना हामकाम दु़म्‍सावा।

२ कोरिन्‍थी 9:6

ओराम ल्‍वा मिम्‍नी वो: कि-कि भ्रल फोट्‌पाका कि-कि फकु़, मा हापा भ्रल फोट्‍पाका हापाङा फकु़।

१ कोरिन्थी 15:50

वा-ल्‍वाक्‍नी, गो गानीलाई र्‍वाङु, सो़ नुङ सिसिकु मिरो़मका माम्‍चु़नीकु किब्‍दीकाम दो़दो़वा मेल्‍वासु़। मेम्साकाङा पुयु़लुक्‍पा मिरो़मका हेल्‍लो वो पुयु़ मेलुक्‍पा मिरो़मकु दो़दो़वा मेल्‍वासु़।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

थु़र्मा 2:40

पत्रुसका वाङमिम वो हापा ल्‍वामिमलामका उनी न छ्‌याक्‍सात्तो आरे बु़डु़मी, “छु़लचो़मिमका ल्‍वापा देन्‍देडाम वाङ बासाका सेल्‍सिट्‌नी।”

लूका 16:28

हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’