15 लावो रिखामनुङ आच्छाङा ल्वा जेसाका खोत्ले ल्वाडा गुइ ख्रीष्टसम्म बर्तो लक्सी। गुइ मण्डली उनीमा मिरो़म सो़ मा गुमी इकीमा बुइ सो़।
द्वादीबुङ चो़च्चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्छाङा रिखाम बेबिमिम रेम्बी।
मेम्मिमका लिमा जेमु डिट्नी मा कोलेका कोङमीनुङ आच्छाङाकाम ल्वा जेनी, हेङालोने गुइ खोत्ले ख्रीष्टकु मिरो़मडाम अंगमिम सो़।
आच्छाङाकाम ल्वा होङङा बेसाका गानी इनी त्वापलाई छेको-छेको दु़म्बेट्निम बु। मेम्मिमका थो़र लु़पा इनीमा वा-ल्वाकलाई आच्छाङाका रिखाम बेनी, मा इनी त्वाप-त्वापडा न-गोलामकाङा छो़म रिखाम बेबेनी।
लावो इकीमा ङाचो़ नुङ गुइलाई सेल्पा येशू ख्रीष्टकु दिदामडा बर्तो लक्नी मा गुमीलाई छेत्तो लक्नी। ओम्लो नुङ हेल्लो लोवो उनी यु़म झ्वानु़म बुनु़। आमेन।
मे खोत्ले नेमङा ङाचो़ येशूका झेट्मिडिम बु। गुमीकाङा ओराम बर्बेसाका माम्चु़नी बाट्पा सेपा सो़रनेम दु़म्बेन्मी।
मेम्मा माम्चु़नीका ख्रीष्टकु साखामडा खोत्ले जु़ल्मिडी मा मण्डलीकाम लागि खोत्ले ल्वाडा गुमीलाई ङा बुइ बनेबेम्डी,
मालो गक्पा चो़च्चो़का उमा मामकु दु़दु़ डुमु मालु़मिम होङङा गानी वो माम्चु़नीकु सिजेम थो़पा छो़म न बेनी। मेम्साका माम्चु़नीडलाम इनी थो़र बर्तो ल, मा गानी सेल्सिनी।
मु़चु़कु मिक्सीलामडा रेम्बेपा रिखाम मेएँ लावो आच्छाङाकाम बेपा दु़म्नी। मेजो़पा ल्वा ङेट्निमा जो़पा ल्वा बेनिम बानी।
नथानेल उनी त्वापथो़ बिक्तोङा लेट्पा ल्वाम्डिमा नथानेलकु दुथाम येशूका र्वाम्डी, “लु-फेले मेबेपा आच्छाङाकाम कोले इस्राएलीलाई रेप्नी।”
हेङालोने ख्रीष्ट मण्डलीकु बुइ दु़म्मिडिम होप्मामङा वोचु़ वो उमा मोचु़कु बुइ सो़। मण्डली ने ख्रीष्टकु मिरो़म, मा मेराम सेल्पा ने गुमी सो़।
गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्चु़नीकु सिजेम वो मेफाल्कु। लावो गुकु आच्छाङाकु सिजेम जो़होमका सीकुमी, मा माम्चु़नीकु ङादोडा गुकु हेप्माम मु़चु़ बुकु रेछा र्वाक्पा ल्वा खोत्ले थो़रलु़इमिम मु़चु़मिमका उनीमा न-गोडा चमु चाम्मी।
गानी बोमुङा बासी र्वाक्साका गो र्वाङडोम मेएँ, लावो वाङमिमकाम ख्लो़पा सो-हन्सीनुङ थो़प्साका इनीमा रिखाम वो आच्छाङा डे मेएँ र्वाक्साका रेम्मु लागि गो आरे र्वाङडोम सो़।
लावो गानी ओराम ल्वा चन्जो़ल्नी र्वाक्पा आमा न बु, खोत्ले मु़चु़मिमकु उनी बुइ ख्रीष्ट सो़। मेसेमकु उ बुइ उ वोचु़, मा येशू ख्रीष्टकु उनी बुइ माम्चु़नी।
माम्चु़नीकु मिक्सीलामडा गुइ छु़ल मान्थिम नुङ हाम वो मेख्लो़ट्पा दु़म्सिनु़ र्वाक्साका सु़म्दिसेर प्रङमु ङादोङा गुमीका गुइलाई ख्रीष्टडा छेसाड्डामी। गुमीका गुइलाई रिखाम बेसाड्डामिमका,