एफिसी 2:20 - थुलुङ राई

²⁰ गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

एफिसी 2:20 Referans Kwoze

मत्ती 16:18

गो गानालाई र्‍वाङु, गाना पत्रुस सो़। ओराम लुङडला आमा मण्‍डली गो बनेबेउ, मा शैतानकाङा वो ओरामलाई घ्‍ल्‍वामु मेचाप्‍सु़।

रेम्‍बेट्‌मिडिम ल्‍वा 21:14

मे शहरकु ब्रोलुङकाम को-न उनी फारमिमकाम लुङ बाइडा। मेरामडला भेन्‍दाचो़कु को-न थु़र्मामिमकु नङ र्‍याक्‍मा बाइडा।

१ कोरिन्थी 12:28

माम्‍चु़नीका मण्‍डलीडा आरेसाका जु़ल्‍मिडिम बु, ङादोमडा थु़र्मामिम, मेरामकु चङडा माम्‍चु़नीलाम जेपामिम, मेकोतिमा सीपा मु़चु़मिम। मेम्‍मा हेल्‍लो वो मेल्‍वाम्‍मा खारी बेपामिम, मा नो़पामिमलाई सबेट्‌पा राप्‍लावा ल्‍वापामिम, वाङमिमलाई ख्‍लो़पामिम, मण्‍डली रेपा बेपा मु़चु़मिम, वाङ सामा ल्‍वा जेमु राप्‍लावा ल्‍वापामिम।

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

एफिसी 3:5

ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

१ पत्रुस 2:6

हेङालोने माम्‍चु़नीकु सिजेमका आरे र्‍वा, “डोक्‍पु दु़म्‍मुकाम लागि थुट्‌मा नेमकु फारगोयु़म कोले डोक्‍पु लुङ गो यरूशलेमडा जु़लु, मा उहेमका गुमीडला थो़र बु़ मेरामकु नो़-कल हेल्‍लो वो मेल।”